25 Мај, 2022
0.0281

Генерали инвестментс: Политичките игри ќе ги плаќаат европските компании и домаќинствата преку високи цени на енергијата

Објавено во: Мои пари 14 Јануари, 2022

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

Првата недела од 2022 година, која најверојатно ќе донесе многу промени и многу турбулентни настани на финансиските пазари е зад нас. Развиените економии пo многу години повторно се соочуваат со прилично висока инфлација, при што централните банки сè повеќе навестуваат крај на периодот на екстремно ниски каматни стапки и бескрајно додавање ликвидност во финансискиот систем. Според тоа, настаните беа доста разновидни на почетокот од новата година. На првиот ден од тргувањето во 2022 година, Apple, како прва компанија во светот, постигна пазарна капитализација од три трилиони долари. Овој податок станува фасцинантен кога ќе го ставиме во поширок контекст: моментално има само четири земји во светот со повисок годишен БДП (САД, Кина, Јапонија и Германија), акциите на Apple ја надминаа границата од еден трилион за прв пат во август 2018 година, а нешто повеќе од две години подоцна тие веќе вредат три трилиони. Иако горенаведените податоци покажуваат дека цените на акциите се високи, малку подетален поглед открива дека тие во голема мера се засноваат на здрави основи, бидејќи односот цена – заработка на компанијата (P/E ratio) бил неколку пати повисок во минатото. Ако на ова се додаде фактот дека Apple (како и другите ИТ гиганти) постојано го проширува своето портфолио и иновации во различни нови области (виртуелна реалност, автономно возење, здравствена заштита итн.), можеме да заклучиме дека има простор за раст. Но, долгорочниот нагорен тренд на берзите е секогаш проследен со привремени кризи и корекции.

Корекциите продолжија и минатата недела. Федералните резерви на САД на својата редовна седница повторно ја изразија својата загриженост поради високата инфлација бидејќи целосната вработеност се приближува до најголемата светска економија и укажа на неминовен пораст на цената на парите. Пазарот го очекува првото зголемување на основната каматна стапка за 0,25% во март годинава. Ова предизвика пад главно на акциите од технолошкиот сектор, при што Nasdaq изгуби повеќе од 3% од вредноста само во средата. Акциите од основната потрошувачка, енергетскиот и финансискиот сектор се покажаа многу подобро, на што секако би одговарал амбиентот со повисоки каматни стапки.

Иако европската берза по состанокот на ФЕД во средината на минатата недела забележа пад, главните индекси се многу помалку изложени на технолошкиот сектор и остануваат блиску до рекордните нивоа. Инфлацијата останува главно прашање и во еврозоната, која во декември го достигна највисокото ниво од 5% пововедувањето на единствената валута. Најголем придонес за растот на цените имаат храната и енергијата, кои беа за 26% поскапи од декември 2020 година. Иако се очекува постепено намалување на инфлацијата во наредните месеци, таа ќе остане над целните 2% уште некое време.

Кинески Evergrande во својот извештај објави дека договорите за продажба на компанијата паднале за дури 38% во 2021 година, но ако светот беше свесен за нивните проблеми, ќе знаеше дека нови прашања за кинескиот пазар на недвижности отвори веста дека Шимао, која важи за една од најдобрите градежни компании во земјата, не ги подмирила навреме редовните обврски кон заемодавците. Речиси 30% од кинескиот БДП, на еден или друг начин е поврзан со секторот на недвижности, така што оваа тема ќе остане важна на светските пазари и во новата година.

Цената на барел нафта минатата недела повторно се приближи до 7-годишниот врв, кој беше достигнат кон крајот на октомври. Цените на природниот гас во Европа повторно пораснаа, кои сè уште се далеку од рекордните достигнувања во декември, но зимата досега беше релативно блага, а ниските температури може брзо да ја влошат енергетската криза во Европа. Испораките на гас од Русија засега остануваат мали. Затоа, самитот на ЕУ го критикува создавањето криза со цел да се изнуди побрзо одобрување на новоизградениот Северен тек 2, за кој се уште се чека потврда од германската и европската бирократија. Политичките игри ќе ги плаќаат европските компании и домаќинствата преку високи цени на енергијата. Тоа е веќе видливо во Велика Британија, каде што некои помали компании, интензивни потрошувачи на електрична енергија, веќе се борат да ги исплатат зголемените трошоци за струја и греење.

Цените на обврзниците благо паднаа во услови на сè порестриктивни тонови на централната банка, при што бараниот принос на германската 10-годишна обврзница се приближуваше кон позитива со тек на време, додека американските обврзници со иста рочност достигнаа 1,8% баран принос.

Совети за инвеститорите

Диверзификацијата останува основната насока за инвестирање. За просечниот инвеститор, глобално диверзифицираните фондови остануваат најдобар избор, додека поединечни потематски фокусирани фондови се додадваат како зачин.  Од клучно значење е да ја одржиме дисциплината и да продолжиме со програмирани уплати, бидејќи историското искуство нè учи да ги собориме врвовите и долините и да излеземе од битката со добар просек.


Можеби ќе ве интересира

УНИБанка го одржа вториот по ред турнир по тенис за своите клиенти „UNIBank Invitational 2022„

УНИБанка го одржа вториот по ред турнир по тенис за своите клиенти „UNIBank Invitational 2022„

СЕФФ: Преку регионално поврзување – зајакнување на отпорноста на економиите на идни шокови

СЕФФ: Преку регионално поврзување – зајакнување на отпорноста на економиите на идни шокови

НЛБ Банка воведува Зелени кредити за проекти кои штедат енергија и ја заштитуваат животната средина

НЛБ Банка воведува Зелени кредити за проекти кои штедат енергија и ја заштитуваат животната средина

Отворен првиот Фаб Лаб во Македонија на Технолошко-металуршкиот факултет во Скопје!

Отворен првиот Фаб Лаб во Македонија на Технолошко-металуршкиот факултет во Скопје!

ИГОР СТЕФАНОВСКИ ИЏЕ И ВО ИДНИНА БРЕНД АМБАСАДОР НА ВИДЕОЛОТАРИЈА КАСИНОС АВСТРИЈА

ИГОР СТЕФАНОВСКИ ИЏЕ И ВО ИДНИНА БРЕНД АМБАСАДОР НА ВИДЕОЛОТАРИЈА КАСИНОС АВСТРИЈА

Промоција на книгата „ОбојОбојОбој“ од Јордан Николов во КЦ „Магаза“ во Битола

Промоција на книгата „ОбојОбојОбој“ од Јордан Николов во КЦ „Магаза“ во Битола

Проф. д-р Тониќ Рибарска: Концептот на „намалување на штети“ може да ги минимизира штетните ефекти од тутунот

Проф. д-р Тониќ Рибарска: Концептот на „намалување на штети“ може да ги минимизира штетните ефекти од тутунот

Преку 2500 танчери од Европа ќе танцуваат на Европското првенство во танци 2022 во Ист Гејт Мол!

Преку 2500 танчери од Европа ќе танцуваат на Европското првенство во танци 2022 во Ист Гејт Мол!

Скапоцена фудбалска магија во живо: оригиналниот FIFA World Cup трофеј е во Скопје!

Скапоцена фудбалска магија во живо: оригиналниот FIFA World Cup трофеј е во Скопје!