Газди исплаќале К-15 и по 100 денари, текстилците со највеќе поплаки за регресот
Објавено во: Економија 10 Јануари, 2020
Текстилните фабрики и годинава со најмногу поплаки за неисплатен годишен регрес или исплатени минимални од 100 до 6000 денари наместо максималната сума од 10 100 денари.
Ова го истакнуваат денеска од невладината „Гласен Текстилец“ од каде велат дека на листата се и три угостителски објекти, но и четири супер маркети и три градежни фирми од каде пристигнале пријави од работниците.
Кристина Ампева вели дека две К-15 на работниците воопшто им немаат дадено две фабрики додека две регресот го пуштиле по Нова година.
-Има случаи како во Велес каде на работниците им е платено по 100 денари К-15, но има и газди кои пуштиле по 1.000, 3.000, 3.500, 5.000 и 6.000 денари-вели Ампева , додавајќи и дека во Штип работници добиле К-15 во вид на бонови за пазарување во супер маркети.
Според зборовите на Ампева, Здружението им помогнало на околу 20 работници да достават барање до поранешните фирми во кои работеле за добивање на регрес а како што посочи таа, позитивно е што се користи и бројот на Трудовиот инспекторат.