ГАРДИЈАН: Поради какаото за производство на чоколади Брегот на Слонова коска ќе снема шуми

Добивај вести на Viber

Британскиот весник Гардијан пишува дека светската индустрија за чоколади е виновна за катастрофалното уништување прашуми во западна Африка каде се сечат шуми заради производство на какао. 

Научниците велат дека какаото е чудовиште кое самото ќе се уништи, наведува Гардијан. 

Трговците што продаваат какао на Нестле, Марс, Монделеза и други големи компании, купуваат производи од нелегално засадени места во заштитени области во Брегот на Слоновата Коска каде површините под прашуми се намалени за над 80% од 1960 година.

Нелегалното какао во синџирот на снабдување се меша со „чисти“ зрна што значи дека чоколадите на Марс или Милка може да содржат „нечисто“ какао затоа што повеќе од 40% од какаото во светот доаѓа од Брегот на Слонова Коска, пишува Гардијан.

Во написот се додава дека Монделез, Марс и Нестле не негирале обвинувања дека какаото е засадено на површини од каде е исечена шума и дека  тоа е во нивниот синџир на снабдување, иако сите наведуваат дека работат напорно во нивните производи да нема „нечисто“ какао.

Околу 70% од светското какао го произведуваат околу два милиони фармери во појасот од Сиера Леоне до Камерун, но Брегот на Слоновата Коска и Гана се два најголеми светски производители додека и најголеми жртви на дефорестизација.

Брегот на Слоновата Коска најбрзо меѓу африканските држави губи шумски површини – сега помалку од 4% се под прашума додека некогаш таа цифра беше 25%.

Се поголемата побарувачка во светот за чоколади значи дека ако ништо не се преземе до 2030 година, повеќе нема да има шума во Брегот на Слонова Коска, нагласи еколошката организација Моќна Земја кои синоќа објавија истрага за уништување шума поради чоколада.