ФОТО+ВИДЕО: Наместо цунами, силен земјотрес ја погоди западна Јапонија
Објавено во: Свет 21 Октомври, 2016
Земјотрес со интензитет од 6,6 степени ја потресе западна Јапонија.
Потресот се случил во 14.10 часот по локално време во западната префектура Тотори, на длабочина од 10 километри. Над 10 луѓе се повредени. Од Националната метеоролошка служба велат можно е во регионот следната недела да има уште еден силен земјотрес со очекуван интензитет над 6 степени по Рихтер.
Премиерот на земјата, Шинзо Абе веќе создаде кризен штаб кој ќе се занимава со собирање на информации за земјотресите и настраданите.
Телевизиските кадри покажаа занишани згради во Тотори, пренесе Франс прес.
Предупредувањата за цунами не се остварија. Првично властите издадоа предупредување за цунами, но подоцна го откажаа.
Јапонија се наоѓа помеѓу четири тектонски плочи и често пати е погодена од силни земјотреси. Но, благодарение на строгото законодавство во однос на изградбата на згради тие ретко нанесуваат посериозни штети.
Последниот силен земјотрес во земјата беше во март 2011 година, кога потресот, проследен со цунами, загинаа 18 000 луѓе.