ФОТО: Француските полицајци на протести - што ги разгневи?

Добивај вести на Viber

Француските полицајци неколку дена по ред протестираат низ улиците на Париз, Лион и други градови низ земјата, за да го изразат својот гнев и незадоволство, јави дописникот на МИА од Париз. 

Во Париз се собраа повеќе од 500 полицајци на плоштадот „Трокадеро“, од каде се упатија на протестен марш по Шанзелизе.

Полицајците на овај начин продолжија да го изразуваат своето незадоволство, десет дена по нападот со молотови коктели врз четворица нивни колеги во Есон, при што едниот од нив е тешко повреден и се бори за живот.

Протестната поворката беше уште поголема во Лион, каде на улиците се собраа околу 800 полицајци. Околу 400 полицајци протестира во Мелун, 120 во Еври, по сто во Бонуњи, Тулуз, Каркасон и Бордо и по околу 50 во Монпеље и Тарб. Во Марсеј, речиси 200 полицајци се собраа во 23 часот на старото пристаниште, по што се упатија кон зградата на Судот.

Полицајците се незадоволни од работните услови и зголемените ангажмани по нападите ви Франција. Тие наместо легалниот пат преку синдикалната борба, се решија на улични протести и ноќни маршеви,

Францускиот претседател, Франсоа Оланд најави дека во текот на денот ќе се сретне со претставници на синидкатите на полицијата. 

Според некои анкети на јавното мислење, се поголем број полицајци на избори гласаат за екстремно десничарскиот Национален фронт, кој, според некои извори, и стои зад овие полициски протести.