(ФОТО) ЦЕНИ ВО АВГУСТ ЗА СЕЧИЈ ЏЕБ: Еве колку чини кафе, пиво, лежалки и чадор во Неа Потидеа токму сега!
Објавено во: Балкан 21 Август, 2017
Доколку сакате вистински да се одморите идеално место каде нема ноќни лудувања е Неа Потидеа на првиот крак во соседна Грција.
Неа Потидеа е мало место, со шеталиштето на една улица на која има неколку продавници (за сувенири) и неколку таверни. Ако движите по шеталиштето од десната страна ќе го видите морето.
За плажите и морето во Неа Потидеа нема коментар - чисти, средени и убави а водата е бисер.
Она што сите ги интересира се и цените.
Иако ова место е помало од Калитеа која го носи епитетот Кралица на кожата и важи за едно од поскапите туристички дестинации на првиот крак, цените се претежно исти а во нешто и поскапи.
Плажата е „мета“ на која стрелаат сите во поголем дел од денот .
Август важи за месец во кој сезоната е во самиот шпиц па доколку сакате да одморате по плажите на Неа Потидеа тогаш за лежалка и чадор нема да мора платите но ќе мора да се напиете пијалок или кафе кој ќе чини не помалку од 3,5 евра што значи дека за двајца да се сончаат цел ден на плажата Немос, Тесера или Митос ќе треба да издвојат 7 евра.
Кока кола ќе ве чини 3,5 евра, додека освежителните џусеви исто од 3,5 евра до 5 евра. За кафе фрапе ќе треба да издвоите 3,5 евра но во таа сума зависно од плажата ќе добиете и мало шише вода.
Пивото на плажите во Неа Потидеа ќе ве чини од 3,5 до 5 евра а виното и пожестоки пијачки ќе ве чинат од 5 евра па нагоре.
За сендвичи, бургери и салати на плажа ќе треба да издвоите од 4 па до 9 евра.
Коктелите пак варираат со цени од 8 до 10 евра.
Отприлика ценовникот изгледа вака:
И.С.