(ФОТО) АВСТРИСКАТА ПОЛИЦИЈА ОБЈАВИ ФОТОГРАФИИ ОД ЖЕНИТЕ СНИМЕНИ СО ДЕВОЈЧЕТО ВО ВИЕНА: Сите кои имаат информации можат да помогнат
Објавено во: Балкан 03 Април, 2024
Полицијата во Австрија трага по две жени кои беа снимени во Виена со девојчето за кое се верува дека е малата Данка Илиќ, која исчезна на 26 март во Бор.
Полицијата објави и фотографии од жените по кои трага. Виенската полиција апелираше до сите граѓани кои имаат какви било информации за жените од видеото да се јават кај органите на прогонот на 01-31310-33800 или во која било полициска станица.
Српски државјанин кој живее во Виена ги сними жените и девојчето кое личи на исчезнатата Данка. Полицијата со часови го анализирала видеото.
Како што јави репортер на CNN кој е во Бањско Поље во Бор, детето од видеото не е Данка Илиќ.
Според нивните неофицијални сознанија, девојката од видеото го разбира романскиот јазик.
„На снимката се слуша „извади го од торбата“, на што таа се наведна и извади нешто од багажот“, изјави репортерот на CNN.
Но, српскиот државјанин кој го сними видеото тврдеше дека детето не реагирало додека жените му зборувале. Данка има 2 години.