Фармерите побараа итно носење на Буџетот, стравуваат од доцнење на субвенциите
Објавено во: Агробизнис 20 Декември, 2012
Од Федерацијата на фармери на Македонија изразија загриженост за недонесувањето на буџетот. Стравуваат дека со доцнењето на буџетот ќе значи и дека нема да започне навреме реализацијата на програмите за развој на земјоделството.Затоа апелираат на негово донесување во најбрз можен рок за да почне спроведувањето на програмите за субвенции и за рурален развој.
Во соопштението издадено по повод вчерашните изјави на претставници на СДСМ поврзани со Федерацијата, се наведува дека ФФРМ како непартиска и неполитичка организација е отворена за комуникација со сите што ќе изразат желба да ги посетат, но оти никогаш нема да дозволат да бидат вклучени во партиски маркетинг и да заземаат политички страни.
„Единствен фокус во нашата работа се земјоделците во нашата држава и нивните земјоделски интереси. И затоа апелираме до сите политички партии да не не инволвираат во партиски настани“, стои во соопштението.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
