ФАКТОР НА ДЕНОТ: Апелација ги зголеми казните на дел од обвинетите за aвтобуската несреќа кај Ласкарци

Добивај вести на Viber

АПЕЛАЦИЈА ГИ ЗГОЛЕМИ КАЗНИТЕ НА ДЕЛ ОД ОБВИНЕТИТЕ ЗА ЛАСКАРЦИ

Апелациониот суд Скопје ги одби како неосновани жалбите на дел од обвинетите за случајот „Ласкарци“ кој се однесува на автобуската несреќа што се случи во 2019 година во која загинаа 16 патници, а над 30 беа повредени, додека делумно ја уважи жалбата на Основното јавно обвинителство Скопје. 

На начин што им ги зголеми казните затвор на сопственикот на компанијата „Дурмо турс“, обвинетиот Дурмиш Белули од четири на десет години, на одговорниот за транспорт во фирмата, Ремзи Мифтари од шест на десет години, и од пет на по седум години казна затвор на двајцата вработени во станицата за технички преглед, Игор Ѓорѓиевски и Горан Дуковски. 

РЕВИЗОРИТЕ УТВРДИЈА ДЕКА СОВРЕМЕНА ОПРЕМА НЕ СЕ КОРИСТИ ОТИ НЕМА СТРУЧЕН КАДАР

Недостатокот на стручен кадар, просторни и други услови ја ограничува функционалноста и искористеноста на современата медицинска опрема вредна 18,6 милиони евра, утврдија ревизорите во последниот извештај.

ВО ВАТИКАН Е ИЗБРАН НОВ ПАПА

На верниците им се обрати новиот Папа, Роберт Франциск Превост, кој го избрал името Лав XIV.

Тој е избран во четвртиот круг од конклавата.

„Драги браќа и сестри, ова е првиот поздрав на воскреснатиот Христос, добриот пастир кој го даде својот живот за Бога, и би сакал овој поздрав на мирот да влезе во нашите срца и во срцата на сите луѓе низ целиот свет“, рече тој.

ЧИТАЈТЕ УШТЕ

Цела деценија незавршени бетонски конструкции, оставени на милост и немилост на времето, со години нагрдуваат дел од универзитетскиот кампус во центарот на Скопје. 

На 21 мај ќе се гласа за избор на нов гувернер на Народна банка на Македонија. 

Пелистер е највисокиот од сртовите на Баба планина и околните планини со кои е омеѓена родната Пелагонија, најголемата македонска житница. Под Пелистер е Битола и рангирањето за 2024 година покажа дека останува да биде економски центар на Пелагонија.

Меј Енерџи, ОСМ Солар и Фортис Енергетика се сопствениците на единствените големи фотоцентрали со моќност од над 50 мегавати кои активно работеа во текот на минатата година со производство на електрична енергија од обновливи извори. Сите три се во сопственост на странци - Меј Енерџи и Фортис Енергетика се на турски, а ОСМ Солар е на бугарски инвеститори.