12 Јуни, 2024
0.0289

ФАКТОР ИСТРАЖУВА: Најголемите остварени добивки во Тетово се од продажба и издавање на недвижнини

Објавено во: Економија 23 Мај, 2024

Добивај вести на Viber

Арбериа-Десигн,компанијата на Хасим Хамзаи која е во бизнисот со учебници, печатење книги, канцелариски материјал, печатарски услуги, светлечки реклами и друго, и главно се финансира од договори за јавни набавки со институции раководени од ДУИ, се најде на второто место на компании со најголема остварена добивка во Тетово во 2022.

На првото место е Пофикс, компанијата за производство на малтер,кој наедно е еден од најголемите производители на градежен материјал во Македонија за минатата година по остварена добивка. Добивката е зголемена за 794 отсто, иако приходите се намалени за 20 проценти. Има 130 вработени и е во сопственост на Ертан, Аднан и Исреф Мемедали. Компанијата има и две подружници за организирана подготовка и служење на храна и за товарен транспорт.

Од листата на „Фактор“ дури четири компании се занимаваат приоритетно со издавање на недвижен простор - Тетекс, Палма Траде, АД Интерпромет и К-Рент. Сите овие четири компании се меѓу 15-те најуспешни по добивка на ниво на цела Македонија за 2023, кога станува збор за прибирање закуп од недвижен имот.

Во понуденото рангирање има и три бизниси за изградба на „станбени и нестанбени објекти“ - НБ-Цомпану,АК Инвест и Изо Стоне. Меѓу високорангираните е и Банана Кицк на Илир и Емир Шефити во бизнисот со обложување. 

Меѓу првите е „Санмарти“, компанија на Владо Мартиноски од Челопек, кој со 41 вработен има добивка од околу 1,1 милиони евра. Фирмата е специјализирана за опремување (продажба) на бањи и тоалети.  Иако фирмата е од Тетово, главната продажба е во маркетот АКВА БАУ во Скопје, а во главниот град се и двата магацини. 

„Викториа Порој“ за трговија на мало со метална стока, бои и стакло во специјализирани продавници, на Дашмир Халили, со 13 пријавени вработени има направено добивка од 69 милиони денари и тоа од приходи од 216 милиони денари. Компанијата има и централа за електрична енергија во Јегуновце.

Меѓу најуспешните тетовски компании е и парфимеријата Шатци, која продава и во други градови, како и Универзитетот на Југоисточна Европа, инаку во јавно-приватна сопственост.                                                                                                                        А.К.

Извор: Централен регистар


Можеби ќе ве интересира

ПОСКАПЕ ЛЕБОТ И ДЕЛ ОД ПЕЦИВАТА - еве кои се причините и какви се очекувањата за следниот период

ПОСКАПЕ ЛЕБОТ И ДЕЛ ОД ПЕЦИВАТА - еве кои се причините и какви се очекувањата за следниот период

„ДОБРЕДОЈДОВТЕ ВО СЕМЕЈСТВОТО НА VDL“: новите сопственици на „Ван Хол“ со официјален поздрав до вработените во Македонија

„ДОБРЕДОЈДОВТЕ ВО СЕМЕЈСТВОТО НА VDL“: новите сопственици на „Ван Хол“ со официјален поздрав до вработените во Македонија

Предизвиците и решенијата на енергетските компании во време на енергетска транзиција

Предизвиците и решенијата на енергетските компании во време на енергетска транзиција

Мицкоски: Зоран Ставрески е врвен експерт

Мицкоски: Зоран Ставрески е врвен експерт

Народна банка не попушта, нема намалување на каматните стапки

Народна банка не попушта, нема намалување на каматните стапки

КОИ СЕ ТРИТЕ ДАМИ КОИ ДОАЃААТ НА РАКОВОДНИ ПОЗИЦИИ - жените полека ги преземаат финансиите во најголемите компании

КОИ СЕ ТРИТЕ ДАМИ КОИ ДОАЃААТ НА РАКОВОДНИ ПОЗИЦИИ - жените полека ги преземаат финансиите во најголемите компании

Хрватска со најмал број на невработени од осамостојувањето

Хрватска со најмал број на невработени од осамостојувањето

ГЛЕДАТЕ ЛИ НЕТФЛИКС: Се подготвува најголемата промена во последните 10 години

ГЛЕДАТЕ ЛИ НЕТФЛИКС: Се подготвува најголемата промена во последните 10 години

„Катастар“ ја преполнил касата од наплата на имотни листови за граѓаните

„Катастар“ ја преполнил касата од наплата на имотни листови за граѓаните