Фактор анализа КОЧАНИ – ВИНИЦА 2024: Виница прави најголем алаш-вериш во Источна Македонија! Кои се најголемите во Виница и Кочани?

Добивај вести на Viber

Општина со помалку од 12.000 жители во источна Македонија има фирма за транспорт и трговија со деривати која оствари приход од 141 милиони евра. Во истата општина се стационирани и европскиот гигант за производство на ќерамиди, мега кондиторска индустрија, голема македонска фирма за производство на мебел и високо технолошка гринфилд инвестиција за производство на декоративни садници. Овие шест фирми заедно лани во малата Виница внеле 227 милиони евра

Општина со помалку од 12.000 жители на својата територија има 5 компании кои лани направиле приход вреден 220 милиони евра. Не, овде не станува збор за некое мало место во Швајцарија. Станува збор за македонско градче на истокот располано под падините на Плачковица, познато по родните полиња, историската „виничката афера“ и античките теракоти.

Виница е мала по население, но општина во која работат економски џинови! При тоа вреди да се истакне дека четири од тие пет компании се поседувани од локални бизнисмени од виничкиот крај. И петтата во најголемите винички фирми е домашна, постои повеќе од 70 години, но од пред дваесетина години е во составот на реномиран австриски производител на материјали за кровови.

Ако се види табелата подолу и приходите во 2024 година на малата Виница можат да и позавидат и многу поголеми градови.Општина Виница, по пописот од 2021 година има нешто над 14.000 жители, но реално, таму не живеат повеќе од 12.000 постојано жители. Значаен дел од нив се работно ангажирани во „Макпрогрес“, поранешен „Тондах“ и сегашен „Виенербергер“, „Мебел Ви“ и сега најактуелниот Дади Оил и неговата фирма – мајка „Дади Компани“.

Кочани е поголемиот град во таа котлина. А Виница секогаш земала пример и се угледувала на поголемиот брат. Но во економска смисла работите се променети затоа што виничката економија реално е посилна.

Во Кочани убедливо најголема компанија е странската гринфилд инвестиција „Амфенол“ која работна ангажира над 3.000 вработени претежно од Кочани, но ги има и од соседните општини. Покрај гигантот кој работи за глобални автомобилски концерни, во Кочани лани, од домашно поседуваните компании, најголеми биле реномината печатница „Европа 92“, поранешниот гигант од наменската индустрија „Руен Инокс“ кој под водство на домашни сопственици направи успешна транзиција и „Алекс 3“ градежна компанија специјализирана за градба на згради за колективно домување.

НАЈГОЛЕМИ КОМПАНИИ ВО КОЧАНИ И ВИНИЦА СПОРЕД ОСТВАРЕНИ ПРИХОДИ во 2024 година: