ФАБРИКА ЗА ТЕСТЕНИНИ И ТАЕН НАСЛЕДНИК: Што се случи со 200.000 евра на папата Франциск?

Добивај вести на Viber

Папата Франциско неколку дена пред смртта го посети затворот „Регина Чели“ во Рим и реши да донира се што остана на неговата лична сметка на оние кои, како што рече, „не смеат да се заборават“.

- Светиот Отец дојде уште еднаш да испрати силна порака до светот - дека и оние зад решетки заслужуваат достоинство. Им го даде последното нешто што го имаше - 200.000 евра од неговата лична сметка - изјави монсињор Бенони Амбарус, познат како Дон Бен, помошен епископ задолжен за затворите и добротворните активности.

Оваа донација е наменета за малолетничкиот затвор Казал дел Мармо, а конкретно - за фабриката за тестенини која работи во рамките на установата. Фабриката во моментов е оптоварена со големи долгови.

- Му кажав дека имаме огромна хипотека. Ако успееме да се исплатиме, можеме да ја намалиме цената на производот, да ја зголемиме продажбата и да вработиме повеќе млади мажи – изјави Амбарус, а пренесува Poslovni.hr.

За затворениците гестот на Папата не беше само финансиска помош, туку знак на надеж и признание.

– Папата им ги изми нозете, им ги отвори светите двери, јавно апелираше барем симболично да им се ублажат казните – но немаше одговор – додава монсињорот.

Италијанскиот весник „Ил Месаџеро“ пишува дека папата на затворениците им дал се што оставил на сметката, потврдувајќи дека неговиот последен чин бил токму – подарок за оние кои светот најчесто ги игнорира, пренесува Poslovni.hr.