Европските лидери одобрија кандидатски статус за Украина и Молдавија
Објавено во: Свет 23 Јуни, 2022
Украина и Молдавија добија кандидатски статус за Европска Унија (ЕУ).
Претседателот на Европскиот совет, Шарл Мишел ја соопшти одлуката.
„Историски момент. Денешниот ден е клучен чекор на вашиот пат кон ЕУ“, напиша Мишел на Твитер.
Украинскиот претседател Володомир Зеленски го поздрави овој чекор. Украина поднесе барање за членство во ЕУ по помалку од една недела откако Русија ја почна инвазијата на 24 февруари.
Мишел соопшти дека Европскиот совет одлучи да ја признае европската перспектива на Грузија и е подготвен да даде кандидатски статус откако ќе се решат „истакнатите приоритети“.