ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

Добивај вести на Viber

Европскиот статистички центар објави дека во текот на 2021 година, во Европската унија биле вработени 11,3 милиони луѓе, во економски активности поврзани со туризмот. Сепак, не сите се потпирале само на туризмот во своите приходи. 

Од вкупниот број на вработени, најголем дел или 6,8 милиони работници биле опфатени во индустријата за храна и пијалаци, 2,1 милиони во секторот за сместување, 1,8 милиони во транспортот и 0,4 милиони за туристички агенции и тур-оператори.

Трите индустрии кои речиси целосно се потпираат на туризмот, како што се капацитетите за смествуање, туристичките агенции или тур-операторите и дејности поврзани со воздушниот транспорт вработија 2,8 милиони луѓе во ЕУ.

Работната сила во туризмот во која доминираат жени

Туристичките индустрии беа главен работодавач на жените. Во 2023 година, меѓу вработените во избраните туристички индустрии, 57,6 проценти биле жени, 21,2 процентни поени (п.п.) повеќе отколку во вкупната нефинансиска деловна економија каде се опфатени 36,4 отсто.

Учеството на хонорарното вработување во туристичките индустрии опфаќа високи 21,3 проценти, што е за 6,1 процентни поени поголемо отколку во вкупната нефинансиска деловна економија каде се опфатени 15,2 отсто од вработените.

Туристичките индустрии привлекоа малку поголем удел на помладата работна сила, со 11 отсто од работниците на возраст од 15 до 24 години во споредба со 9 проценти опфатени во нефинансиската деловна економија.

Во 2023 година, учеството на лицата со пониско образовно ниво во туризмот беше 20,2 отсто.

Странските граѓани сочинуваат 15,9 отсто од работната сила во туристичките индустрии. Притоа 7 проценти од работната сила доаѓа од другите земји на ЕУ и 9 отсто од земјите кои не се членки на унијата. 

Веројатноста за одржување на привремен договор беше за 8,8 п.п. повисока во туризмот отколку во вкупната нефинансиска деловна економија.

Слично на тоа, уделот на нововработените кои ја држат својата сегашна работа помалку од една година исто така беше повисок во туризмот отколку во нефинансиската деловна економија како целина 23,1 отсто наспроти 14,8 проценти.