ЕВИЈА ВО ПЛАМЕН: Монасите не сакаат да го напуштат манастирот
Објавено во: Балкан 04 Август, 2021
На грчкиот остров Евија има евакуација поради пожари, а монасите одбиваат да го напуштат манастирот.
Жителите и туристите во Кулорос, Марулија, Ровиес и во Палаихори мораат да ги напуштат своите домови, јавува Катимерини.
Пожарникарите, авионите за гаснење на пожари, општинските екипи и волонтери се обидуваат да го стивнат пожарот во шумата кај селото Лимини.
„Ситуацијата е многу тешка. Пламенот е висок 30 до 40 метри во боровата шума, а огнот го обиколи манастирот. Се задушуваме од чадот, ова е ноќна мора“, вели манастирскиот старешина за агенцијата АНА-МПА.
Ситуацијата е многу опасна во Дримонас, каде група монаси одбиваат да излезат од манастирот Свети Давид, иако објектот е опколен од оган. Пожари има и во Атина.