ЕВЕ ШАНСА: „Катар Ервејс“ бара персонал од Македонија
Објавено во: Мои пари 31 Август, 2016
Доколку сте отворени и комуникативни и подготвени да работите во мултинационален тим, а истовремено да се преселите во Доха или Катар, тогаш авиокомпанијата „Катар Ервејс“ го има вистинското работно место за вас.
Авиокомпанијата „Катар Ервејс“ на 10 септември организира интервјуа за регрутација на кабински персонал (стјуарди и стјуардеси) од Македонија. Од потенцијалните кандидати се бара да бидат стари најмалку 21 година, да имаат досег со рацете од 212 сантиметри, најмалку средно образование со течно говорно и писмено изразување на англиски јазик, одлично здравје и физичка подготвеност.
„Како национален авиопревозник за државата Катар, сакаме на најдобар можен начин да ја одразиме топлината и великодушната гостопримливост на Катар. Вечера во Париз, ручек во Њујорк, доручек во Монтреал, додека го обиколкувате светот на висина од 40.000 стапки во едни од најмодерните авиони во светот – ова дефинитивно не е вашата вообичаена канцелариска работа. Катар Ервејс е позната како глобална авиокомпанија со пет ѕвездички, која ги предизвикува воспоставените норми и претставува лидер во авионските услуги“, стои во огласот на оваа компанија.
Апликациите се поднесуваат до 10 септември, се аплицира ТУКА а деталите за тоа како да се пријавите и што е потребно за апликација, ОВДЕ.
Неодамна Фактор имаше интервју со вработена македонка во оваа авиокомпанија. Дознајте ги нејзините искуства ќе ви бидат од корист доколку сте решени на овој предизвик.
ФАКТОР Интервју: Дознајте од прва рака како е да се биде стјуардеса во „Катар Ервејс“!