ЕУРОСТАТ: Бугарките се најмлади, а Италијанките најстари мајки во Европа
Објавено во: Свет 08 Март, 2017
Просечната возраст на жените за раѓање на прво дете во Бугарија е најниска во Европската унија (ЕУ), покажуваат податоците на европската статистичка служба Евростат.
Во 2015 година, просечната возраст на родилките на прво дете во земјата била 26 години. Зад Бугарија е Романија со 26,3 години, Летонија со 26,5 години и Полска со 27 години при просек за ЕУ од речиси 29 години, а за еврозоната - речиси 30 години.
Жените во Италија раѓаат најдоцна во ЕУ - во просек на 30,8 години, проследено со Шпанија - 30,7 години, и Луксембург и Грција - по 30,2 години.
Што се однесува до бројот на породувања во ЕУ како целина се родени со 0,8% повеќе деца во 2015 година во однос на 2001 годинаНајголемо намалување на бројот на родените деца за периодот е забележано во Португалија - над 24%, Холандија - речиси 16%, Данска - 11%, Романија - над 10%, и Грција - исто малку над 10%.
Во Кипар коефициентот на плодност се намалува за периодот со 0,25, во Луксембург - со 0,19, а во Португалија - со 0,14.
Иако зголемувањето на коефициентот на плодност во ЕУво само две држави се близу до темпото потребно за репродукција на нацијата (2,1) - Франција (со коефициент 1,96) и Ирска (1,92). По нив се Шведска со 1,85 и Велика Британија со 1,8. Со најнизок коефициент се Португалија - 1,31, Кипар и Полска - со 1,32, Грција и Шпанија - со 1,33, и Италија - 1,35.
Генерално во ЕУ во 2015 година се родени над 5,1 милиони бебиња во споредба со нешто над 5 милиони во 2001 година.