ЕВРОПА ЗАБРАНУВА ДОАЃАЊЕ НА МИГРАНТИ?
ЕУ донесе декларација за сузбивање на бегалскиот прилив
Објавено во: Свет 04 Февруари, 2017
Лидерите на земјите-членки на ЕУ усвоиле декларација со која се суспензира приливот на бегалци во Европа, наведуваат преку соопштение од неформалниот самит на ЕУ одржан во Валета, главниот град на Малта.
„Клучен елемент на одржливата миграциона политика е обезбедување на ефективни контроли на своите надворешни граници и престанок на илегален проток на бегалци во Европската унија“ се наведува во декларацијата усвоена на самитот.
Во документот се наведува дека во текот на 2016 година бројот на мигранти кои доаѓаат преку Медитеранот драстично е намален, но истовремено, по средоземниот пат во европските земји стигнале 181 000 луѓе.
Во таа смисла, ЕУ донела решение да усвои низа дополнителни мерки како би се запрел протокот на бегалци преку Срдоземното море, како би се намалил бројот на оние мигранти кои доаѓаат.
Нешто порано, земјите на ЕУ донесоа одлука на три места да ги продолжат мерките на контрола на границите.