Ескобар му дава два дена рок на Курти да одговори на нивните барања
Објавено во: Балкан 06 Јуни, 2023
Курти има нацрт на ЗСО, но го чува во тајност, вели специјалниот пратеник на САД за Западен Балкан, Габриел Ескобар.
Тој денеска изјави дека косовскиот премиер Аљбин Курти има план за создавање Заедница на српски општини (ЗСО), но дека тој моментално се држи во тајност, пренесува „Репортери“. Ескобар не откри дали нацрт-статутот е подготвен од Косово или од Европската Унија, но додаде дека Курти има два дена да одговори на барањата што му ги поставија ЕУ и САД. Тој објасни дека до петок заедно со специјалниот претставник на ЕУ за дијалогот, Мирослав Лајчак, ќе ја информира јавноста дали има напредок или не.
„Курти и Вучиќ имаат рок до петок, бидејќи во петок Лајчак и јас им даваме одговорност на претпоставените“, додаде тој.
Ескобар наведува дека Курти е должен до петок да се изјасни за прашањето за изборите на северот од Косово, како и дека нема план Б за договорот од Охрид кој мора да се спроведе и дека веднаш мора да почне формирањето на Заедницата на општините со српско мнозинство.
Според Ескобар, ако Курти не ги прифати трите услови, тогаш е јасно дека не сака соработка со САД и ЕУ и тоа не може да помине без последици.
Тој посочува дека САД, ЕУ и сите меѓународни партнери се согласни дека е неопходноа нормализација на ситуацијата во Косово, предупредувајќи дека ако тоа не се случи, а односите се влошат, последиците за Приштина ќе бидат долгорочни.
Ескобар и Лајчак се во Приштина од понеделникот вечерта, каде разговараа со Курти, со претседателката на Косово Вјоса Османи, со претставници на трите најголеми опозициски партии на Косово и со Српска листа.
На двочасовната средба што ја имаа со Курти, тие му доставиле три барања, но Лајчак рече дека не се договориле за барањето за избори.
Инаку, Косово десет години го одложуваше формирањето на СЗО. Србите бараат формирање на ЗСО, но и повлекување на косовските специјалци од северно Косово. Минатата недела во Звечан имаше немири баш поради овие отворени прашања. Србите ги бојкотираа изборите, а градоначалниците Албанци ги сметаат за нелегитимни.
Можеби ќе ве интересира
ГИ ВИДЕЛА СНИМКИТЕ НА ЉУБОВНИЦАТА (18), ПА СО ДЕЦАТА СКОКНАЛА ВО РЕКАТА - се огласи таткото на Алма „Таа кажа само една работа“
„ДА НЕ ЗБОРУВА ДЕКА Е ТОЈ МРТОВ ЧОВЕК, БИДЕЈЌИ СИТЕ ТИЕ СЕ ПРИЛИЧНО ЖИВИ“ - адвокатот на семејствата огорчен од таткото на Коста
ХРВАТСКА: Убиена е жена, уапсен е член на семејството
ТРАГЕДИЈА ВО АЛБАНИЈА: Поради семејно насилство мајка со трите деца се фрлила вo река
ДИЈАНА ЃОКОВИЌ, МАЈКАТА НА НОВАК ЈА ПРОМЕНИЛА ВЕРАTA: Родителите не ме учеа да верувам во Бога
СЕ АКТИВИРАШЕ И АНГЕЛОВ, ОТКАКО СРБИТЕ ПРЕДУПРЕДИЈА ДЕКА НЕКОЈ ИМ КРШИ ШОФЕРШАЈБНИ ВО МАКЕДОНИЈА: „Пратете попорецизна локација“
НИКАНА.ГР: ПРЕДУПРЕДУВАЊЕ ЗА СИТЕ ШТО ПАТУВААТ ОД ГРЦИЈА: „Некој врзал камен за мост во Македонија, возачите ги кршат шофершајбните“
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
ЛОНДОН, АМСТЕРДАМ И ДУБАИ СЕ „МЕКА“ ЗА ГОСТИ БАЈТЕРТЕ! Во потрага по леб, овие четири земји се најпривлечни за нашите соседи од Србија
