ЕРДОГАН ПРОГЛАСИ ПОБЕДА НА ПРЕТСЕДАТЕЛСКИТЕ ИЗБОРИ: Во Турција се слави еуфорично за неговиот нов мандат

Објавено во: Свет 28 Мај, 2023
Актуелниот претседател
на Турција Реџеп Таип Ердоган прогласи победа на претседателските избори во таа
земја.
Обраќајќи им се на граѓаните собрани во Истанбул, Ердоган рече дека им се заблагодарува што му го довериле управувањето со земјата во следните пет години.
Според прелиминарните изборни резултати, врз основа на 98,06 отсто од преброените гласови, Ердоган освоил 52,12 отсто од гласовите, додека неговиот противкандидат Кемал Киличдароглу 47,88 отсто.
Поддржувачите на Ердоган почнаа да се собираат пред претседателската палата во Анкара, каде веќе започна концертот.
Унгарскиот претседател Виктор Орбан му честиташе на турскиот претседател за изборната победа уште пред да биде официјално објавена. Орбан на Твитер напиша „честитки за несомнената победа“, а потоа на турски „честитки, драг претседателе“, заедно со фотографија од него и Ердоган.
На Ердоган му честитаа и претседателот на Азербејџан Илхам Алиев и емирот на Катар Шеик Тамим бин Хамад Ал Тани.
Во Турција денеска се одржа вториот круг од претседателските избори, а повеќе од 64 милиони граѓани со право на глас избраа меѓу актуелниот претседател Реџеп Таип Ердоган, кандидатот на Народната алијанса и Кемал Киличдароглу, кандидатот на опозициската Национална алијанса.
Централната изборна комисија на Турција соопшти дека нема нерегуларности, додека излезноста е проценета на 85,07 отсто.
ФОТО: EPA/ERDEM SAHINМожеби ќе ве интересира
ПРВ ИЗВЕШТАЈ НА СЗО ЗА ВИСОКИОТ КРВЕН ПРИТИСОК: Правилен третман на хипертензијата може да спречи 76 милиони смртни случаи

ДАЛИ Е ОВА ПОЧЕТОК НА КРАЈОТ НА ЗЕЛЕНСКИ? Слабее западната поддршка за Украина

ШОК ЗА ЗЕЛЕНСКИ, ДОБРА ВЕСТ ЗА ПУТИН: Најголемиот сојузник на Киев престанува со поддршката, еве што направи „драмата со житото“

(ВИДЕО) Изгоре складиште со гориво во Сочи по напад со дрон

„ВРИЕ“ ВО ЛИБИЈА ПОРАДИ ПОПЛАВИТЕ: Либијците ја запалија куќата на градоначалникот на Дерна

Ким Џонг Ун конечно се врати од Русија по денови патување со оклопниот воз

NEURALINK НА ИЛОН МАСК БАРА ЛУЃЕ СО ПАРАЛИЗА: Ќе се тестираат мозочните импланти
