Експресно променет директорот на затвор Идризово, по откривањето на тунелот за бегство

Добивај вести на Viber

Премиерот Димитар Ковачевски денеска соопшти дека е разрешен досегашниот директор на затворот Идризово и е именуван Генерал мајор Зоран Јовановски, магистер, кого го претстави како висок професионалец со богата кариера во МВР, со бројни меѓународни обуки.

- Преземени се мерки за санирање на состојбите во КПД Идризово, беше краток премиерот во одговор на прашањето за откриениот подземен тунел од 60 метри кои го ископале осудениците за бегство.

Во јануари осудениот за убиство Беким Мехмети избега во сценарио додека беше спроведуван со затворско комбе.  Тогаш директорот на затворот Шпенд Тахири кадар на алтернативците, како и заменикот Феми Јонузи од ДУИ не добија откази.

Затвореници во „Идризово“ копале тунел за бегство, потврди денеска Јовица Стојановиќ, директор на Управата за извршување санкции, а детали најави за подоцна.

Неофицијално, почетокот на тунелот е од шеталиштето на затворениот дел на затворот, а водел до надвор од затворот. Во овој дел на „Идризово“ казни издржуваат затвовреници со високи казни, а меѓу нив има и такви осудени на доживотен затвор. Неофицијално, сето ова било правено со месеци, од страна на повеќе затвореници, распоредени во смени.