ЕКСГРАДОНАЧАЛНИКОТ НА НОВО СЕЛО СТОЈЧЕВ ПОВТОРНО ЗАД РЕШЕТКИ - меѓу уапсените во денешната голема полициска акција
Објавено во: Македонија 02 Март, 2024 19:46
По објавата на Министерството за внатрешни работи дека се уапсени 10 лица од повеќе градови од земјава, попладнево медимите пренесуваат дека меѓу нив е и поранешниот градоначалник на Ново Село од редовите на СДСМ, Боро Стојчев.
Меѓу нив, како што пишува „Антропол“ е и Симе Франгов, синот на поранешниот градоначалник на Гевгелија, Иван Франгов од редовите на ВМРО - ДПМНЕ. Него исто така го поврзуваат и со сообраќајна незгода во Нов Дојран во декември минатата година, при што смртно беше прегазен пешак, но гевгелискиот обвинител не побарал, ниту пак судија одредил мерка притвор.
Се шпекулира дека токму ексградоначалникот Стојчев бил на чело на оваа криминална група која продавла дрога.
Фирмата од која потекнува дрогата е „Еко енерџи космос“. Првично основана за производство на електрична енергија, но во 2020 година ја менува дејноста за одгледување на зачински, ароматични и лековити растенија за употреба во фармацијата, практично кога доби лиценца од Министерството за здравство за огледување на канабис. А од почетокот на годината е во стечајна постапка.
Инаку, Боро Стојчев во 2017 година беше предложен за кандидат за градоначалник од СДСМ.
Јавноста памети дека Стојчев беше поврзан со криминални активности уште во 2018 година, кога беше и градоначалник на Ново Село.
Имено во јули 2018, Стојчев заедно со уште два члена од неговото потесно семејство, неговата сопруга и синот, заедно со уште две лица, беше фатен при обид за шверц на цигари близу македонско- бугарска граница. Првично си доби 18-месечна затворска казна, па подоцна му беше намалена на половина година.
Поради апсењето, тој на функцијата градоначалник на Ново Село беше само една година и два месеци, од октомври 2017 до декември 2018. Поради притисоци за шверцот на цигари беше принуден да си даде неотповиклива оставка.
Фактор пред неколку месеци објави дека „Тотал Инженеринг Струмица“, градежната фирма на бизнисменот Вице Заев станала нов сопственик на Бојана БС Панел, претпријатие дотогаш во сопственост на Боро Стојчев.
Можеби ќе ве интересира
СПАСОВСКИ: Македонија не смее да стане земја што ќе спроведува азилски постапки за други држави, а притоа да ѝ остануваат мигранти што нема каде да ги врати
„ДЕЛОВНА ТАЈНА Е ДЕКА НЕ' ТРУЈАТ“: Арсовска тврди дека загадувачите добиле право да ги кријат доказите под мотото „деловна тајна“
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
