ЕКС ПРЕТСЕДАТЕЛОТ НА ОПШТИНА ЗВЕЧАН: Ни порачуваат или да одиме во Србија или да одиме во затвор
Објавено во: Балкан 01 Јуни, 2023
Да се формираше Заедница на српски општини (ЗСО), немаше да дојдеме во оваа ситуација, вели екс претседателот на општина Звечан, Драгиша Миловиќ.
Тој денеска изјави дека инцидентите на северот од Косово можеа да се избегнат ако постоеше добра волја. Вели дека пораките на францускиот претседател Емануел Макрон и на американскиот амбасадор Џефри Ховениер се охрабрувачки, пренесува „РТ Балкан“.
Миловиќ се здоби со повреди во инцидентите кои се случија деновиве во Звечан. Тој изрази жалење што реториката во Приштина не оди во насока на смирување на тензиите и нагласи дека граѓаните мора да останат смирени затоа што мирниот отпор е најсилното оружје што го имаат.
„Вистината е на наша страна, на своја земја сме, од друг ништо не сме зеле. Мора да се бара политичко решение“, рече Миловиќ.
Вели дека косовците им порачуваат или да одат во Србија или да одат во затвор.
Претседателот на Српската листа Горан Ракиќ во изјава за медиумите објасни дека КФОР вчера одговорил на неговото барање за зголемување на присуството на војници на повеќе локации за да се спречи евентуална ескалација на ситуацијата. Припадници на КФОР има кај црквата, на влезот во градот, кај училиштето. Пред неколку дена имаше судири во Звечан, при што беа ранети најмалку 52 Срби, но и припадници на КФОР. Србите бараат формирање на ЗСО и косовските специјалци да се повлечат од северот. Западот повика на деескалација и ги осуди приштинските власти.Можеби ќе ве интересира
УШТЕ ЕДЕН СТУДЕН БРАН ЌЕ УДРИ ВО ЕВРОПА И НА БАЛКАНОТ: Дали ни доаѓа многу ладен бран со дожд, снег и мраз?
„ЗА ТИЕ ПАРИ...“: Луѓето револтирани од цените на Јадранот
Бугарија го повика хрватскиот амбасадор откако Милановиќ им рече дека се последни
„КУЌАТА СИЛНО СЕ ТРЕСЕШЕ, ИЗБЕГАВМЕ СИТЕ НАДВОР“: Жител на Кладово за земјотресот што утрово ја стресе Србија
ЕВЕ КАКВИ ДОКУМЕНТИ ТРЕБА ДА ИМАТЕ ЗА ДА ВОЗИТЕ АВТОМОБИЛ ВО ГРЦИЈА: Некои од нив се, некои не се задолжителни
ПРОЕКТ МИСТИЧЕН БАЛКАН: Четири земји од Западен Балкан донесуваат туристи од САД
ЗА СРЕБРЕНИЦА: Босанскиот суд ќе гони Србин затоа што го негирал геноцидот
УБИСТВО ВО ГЕРМАНИЈА: Косовски Албанец уби Србин во Дизелдорф
„ЛИДЛ“ ВО СРБИЈА СО НЕОЧЕКУВАН ПОТЕГ: германската компанија го откажа рекламирањето на „проруските медиуми“
