Едно лице загина и две се тешко повредени во сообраќајкана автопатот Куманово - Скопје
Објавено во: Македонија 20 Мај, 2024
Едно лице загина а две се тешко повредени во тешка сообраќајна несреќа кај Агино Село на автопатот Куманово-Скопје, откако возилото со кое патувале излетало од коловозот.
Како што известува МВР, сообраќајката се случила околу 15 часот, загинал совозач, а возачот и третото лице со тешки телесни повреди биле пренесени во кумановската болница.
„Околу 15.00 часот во СВР Куманово било пријавено дека на автопатот Скопје – Куманово, атар на Агино село, кумановско, патничко возило „субару импреза“ со кумановски регистарски ознаки, управувано од И.А. (64) од Куманово, излетало од коловозот. Од здобиените повреди на местото на несреќата починал сопатникот Б.Н. од Куманово, а лекар од Итна медицинска помош Куманово констатирал смрт. Возачот И.А. и сопатничката Д.Н. се здобиле со телесни повреди констатирани во Општа болница Куманово. Извршен бил увид од увидна екипа на СВР Куманово и јавен обвинител, по чија наредба телото на починатиот било предадено на обдукција“, соопшти МВР.
Територијалната противпожарна единица (ТППЕ) Куманово интервенирале на извлекување на автомобилот од 15,35 до 17.35 часот со 1 возило и 4 пожарникари.