Една од најмоќните компании во автомобилскиот сектор ќе гради уште две фабрики во земјава
Објавено во: Економија 06 Февруари, 2020
„ДУРА Аутомотив Системс“ го шири бизнисот во Македонија. Таа компанија која работи во автомобилската индустрија ќе гради уште две нови фабрики во земјава.
Ова стана јасно од денешната посета на владини претставници во производствените капацитети на една од најмоќните американски компании која ширум светот има 30 фабрики и инженерски центри во 12 земји.
Првата фабрика произведува компоненти за водечките светски автомобилски компании а зборовите на техничкиот премиер Оливер Спасовски дознаваме дека во втората ќе се произведуваат алуминиумски рамки за литиумски батерии со голем капацитет за електрични возила, додека алуминиумски ултра лесни профили за електрични возила ќе се произведуваат во третата фабрика.
Во трите фабрики на „ДУРА Аутомотив Системс“ се очекува да бидат вработени околу 1000 луѓе а директорот на компанијата Мајк Бекет, посочи дека производствените капацитети во нашата земја ќе интегрираат врвна и иновативна технологија.