ЕДЕН ПО ЕДЕН ЏАФЕРИ ГИ ПРОЗИВАШЕ ПРАТЕНИЦИТЕ, тројца се отсутни од првата седница, Шахпаска претседател на Верификациона
Објавено во: Македонија 04 Август, 2020
Еден по еден спикерот Талат Џафери ги прозиваше новите пратеници по име и презиме, на Конститутивната седница на новиот собраниски состав.
Тие со кревање картонче го потврдуваат своето присуство. Присутни беа 117 пратеници, а тројца беа отсутни.
Така ќе се одвиваат и наредните точки кои се на дневен ред.
Џафери е ревносен во произивањето и се гледа дека е во подобра здравствена состојба по излегувањето од Инфективна клиника.
Седницата, место во сала Македонија, се води во Големата сала, позната на јавноста како Голема купола, каде има место за 600 лица, а на соодветна дистанца, со маски, пратениците место електронски, креваат картончиња за гласање. Причина за ова е коронавирусот.
Според дневниот ред, денеска прво се избира претседател и членови на Верификационата комисија на Собранието. За претседател на оваа Комисија беше избрана Јагода Шахпаска од СДСМ.
Потоа следува верификација на мандатите на пратениците, избор на претседател, заменик на претседателот, членови и нивни заменици во собраниската Комисија за прашања за изборите и именувањата, како и избор на претседател на Собранието. Денеска има многу мала веројатност да биде избран нов претседател на парламентот, бидејќи тоа би значело дека е формирано владиното мнозинство, што не е случај, туку токму денеска треба формално да започне.
Некои од пратениците своите картончиња за гласање, ги користеа и за разладување.