ЕЦБ најавува зголемување на каматните стапки
Објавено во: Финансии 12 Мај, 2022
Претседателката на Европската централна банка, Кристин Лагард најавува промена на каматните стапки во јули, со цел спротивставување на зголемената инфлација.
Во говорот во Љубљана во средата (11-ти мај), претседателката на ЕЦБ посочи оти зголемувањето на каматните стапки би можело да дојде откако ќе заврши практиката на масовно купување државни обврзници од еврозоната.
- Иако ова звучи како повторување, оваа изјава е значаен чекор напред. Тоа е многу јасно навестување, не може појасно да се каже. На состанокот на ЕЦБ на 21 јули ќе го добиеме првото зголемување на стапката - вели за Дојче веле Карстен Брзески, главен економист на германската банка ИНГ.
Слично како Лагард размислува и претседателот на германската централна банка, Бундесбанк, Јоаким Нагел. Тој посочи дека високата инфлација ја намалува куповната моќ на домаќинствата и, заедно со несигурноста околу украинската војна, доведува до губење на довербата.
- По завршувањето на откупот на државните обврзници во јули, каматната стапка треба да се зголеми - посочил Нагел.
Според него неопходно е да се дејствува брзо, бидејќи во спротивно постои опасност да дојде до спирала на раст на цените и платите, што би довело до излегување на инфлацијата од контрола. По последниот состанок на Советот на ЕЦБ во средината на април, Кристин Лагард не сакаше јасно да каже кога каматните стапки би можеле да се зголемат.
Кристин Лагард и претседателот на Бундесбанк Нагел во средата уште еднаш нагласија дека одлуките на централната банка ќе се засноваат на актуелните економски податоци.
Водечката каматна стапка во еврозоната е нула проценти повеќе од шест години. Банките кои ги „паркираат“ парите кај централната банка дури треба да платат и негативна камата од 0,5 отсто. На овој начин ЕЦБ во последните години се обидува да го задржи протокот на пари за кредити, а со тоа ја зајакнува економијата. Примарниот мандат на ЕЦБ е да обезбеди стабилност на цените, а според нив тоа е постигнато кога инфлацијата е околу два отсто.
Можеби ќе ве интересира
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
