Двојно повеќе оздравени од новозаболени, 13 лица за еден ден ја изгубија битката со Ковид-19
Објавено во: Македонија 27 Мај, 2021
Во последните 24 часа се регистрирани се направени 2.691 тестирања, а регистрирани се 53 нови случаи на Ковид -19, информира Министерството за здравство. Најмногу новозаболени повторно има во Скопје или 29. Во останатите градови има едноцифрен број на нови случаи - Прилеп – 7, Куманово - 4, Битола, Гостивар, Охрид и Кичево – по 2,Тетово, Кочани, Радовиш, Берово и Валандово – по 1.
Регистрирани се 111 оздравени пациенти, но во последното деноноќие има 13 починати лица. Најмладиот е 51 година и е од Скопје. Од главниот град починале вкупно 5 лица коиимаат 51, 63 години,68 гдоини и 81 и 88 години, 3 лица од Струмица (62, 74 и 88 години, 2 лица од Битола ( 68 години и 82 години) и по едно лице од Тетово (71 години), Гостивар (80 г.) и Струга (81 година).
Од пријавените, 4 лица се починати во домашни, а останатите 9 во болнички услови.
Направени се 2.691 тестови преку: ИЈЗ-461, ЦЈЗ Скопје-101, ЦЈЗ Битола-44, ЦЈЗ Прилеп-44, ЦЈЗ Тетово–17, Клиника за инфективни болести и фебрилни состојби-1, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-4, Институт за микробиологија–69, МАНУ-79, Жан Митрев (Филип Втори)-164, Авицена-196, Биотек-382, Систина-147, лабораторија Лаор-214, Синлаб-52, Ремедика-28, Плодност–33, Генеа–32, Никоб лаб-3, ЈЗУ и ПЗУ (рапид тест) – вкупно 620.
Вкупната бројка на КОВИД-дијагностицирани лица во нашата земја од почетокот на епидемијата изнесува 155.169, бројката на оздравени пациенти е 147.301, на починати е 5.369, а бројот на активни случаи изнесува 2.499.