ДВЕ ЛИЦА ОД ГОСТИВАР И ЕДЕН ЖИТЕЛ НА БИТОЛА МЕЃУ ЗАГИНАТИТЕ - тројца малолетници се повредени, еве ги деталите од вчерашната несреќа

Добивај вести на Viber

По трагедијата која се случи вчера на патото Кичево - Тетово, во кој животот го загубија три лица, денеска со детали се огласија од СВР Охрид. 

Од таму посочуваат дека до несреќата дошло кога се судриле три возила, при што починале шоферите на две возила, но и сопатничката во едно од возилата. 

Иако не е официјално потврдено, најверојатно станува збор за брачен пар од гостивар со иницијали Х.Е. и Б.Е. и двајцата на 38 годишна возраст. 

- На 18.04.2025 во 20.40 часот во ОВР Кичево e пријавено дека, на магистралниот пат Кичево-Гостивар, кај место викано „Сеферов бунар“, се случила сообраќајна несреќа помеѓу патничко возило „мерцедес“ со кичевски регистарски ознаки, управувано од З.Д.(64) од Битола, патничко возило „форд“ со кичевски регистарски ознаки, управувано од А.Р.(63) од село Горно Страгомиште, кичевско и патничко возило „опел“ со кичевски регистарски ознаки, управувано од Х.Е.(38) од Гостивар. 

На местото на настанот починале возачите З.Д. и Х.Е., а сопатничката од патничкото возило „опел“ Б.Е.(38) од Гостивар, била пренесена во Медицинскиот центар Кичево, каде починала. 

Од страна на лекар констатирана била смрт, а по наредба на јавен обвинител телата на починатите се предадени за обдукција. 

Во несреќата со телесни повреди се здобиле возачот А.Р. и неговата сопатничка А.А.(67) од село Колари, кичевско, сопатникот од возилото „мерцедес“ Д.С.(37) од Кичево и сопатниците од патничкото возило „опел“- тројца малолетници од Гостивар и Р.Е.(60) од селото Шутово, кичевско, констатирани во медицински установи во Кичево и Скопје. 

На местото на несреќата увид извршија јавен обвинител, судски сообраќаен вештак и полициски екипи - соопштуваат од СВР Охрид. 

Денеска за несреќата зборуваше и министерот Панче Тошковски кој укажа дека главна причина е брзината.