Држава од регионот ќе стави вето за прием на Финска во НАТО
Објавено во: Свет 03 Мај, 2022
Хрватска ќе стави вето за прием на Финска во НАТО.
Ова го најави претседателот Зоран Милановиќ. Тој бара да биде решено прашањето за изборниот законик во Босна и Херцеговина со кој Бошњаците нема да ги мајоризираат Хрватите.
„Тоа е ненадејно прашање, ни дојде како пролетен дождец. Никој тоа не го очекуваше“, рекол Милановиќ.
Самитот на Северноатлантскиот воен сојуз ќе се одржи кон крајот на мај во шпанската престолнина Мадрид.
Поранешниот руски претседател и премиер Дмитриј Медведев на својот Telegram канал објави дека на хрватскиот претседател му се заканува одмазда од Киев поради досегашните изјави за Русија и Укрина. Милановиќ вели дека не е на страната на Русија, првпат нарекувајќи ја руската страна агресор во украинската војна.
Шведска и Финска се двете земји кои сакаат да станат дел од НАТО. Ваква одлука донесоа откако Русија на 24 февруари ја почна инвазијата на Украина.foto freepik.com