23 Февруари, 2020
0.0222

ДОНЕСОА ТРАКТОРИ НА СКОПСКИТЕ УЛИЦИ - земјоделците на протест ги бараат субвенциите

Објавено во: Македонија 26 Октомври, 2019

Како што најавија, така и направја. Земјоделците преку протестен марш низ скопските улици го изразија својот револт кон власта. 

Се жалат на ненавремена исплата на субвенциите, како и на нецелосно исполнување на барањата испорачани пред една година. Организатор на протестот е Здружението на сточари „Агроцентар“ од Велес, а тој е поддржан и од други земјоделски здруженија.

Протестниот марш стартуваше околу 12:30 часот од „Мавровка“, по што со шест трактори напред и транспаренти насобраните се упатија до Владата. Освен сточари, на него присуствуваат и овоштари, лозари, тутунари,…

Претседателот на „Агроцентар“, Митко Јанков, за МИА изјавил дека протестот нема никаква политичка позадина и поради тоа, не треба да се злоупотребува за какви било политички или партиски цели.

„Протестот се одржува поради глувоста на Владата за сточарите и нема никаква политичка позадина. Од една страна, нашите барања искажани во декември лани се само делумно исполнети, а од друга, субвенциите не се исплаќаат навреме, туку повторно, пред избори. Доста ни е веќе од таква политика, независно кој е на власт“, рече Јанков.

Одгледувачите на овци минатата година во декември на мирен протест пред Министерството за земјоделство побараа 1.500 денари субвенција за грло овца, 1.000 денари за оставено женско јагне и 800 денари за предадени грла во кланинчен капацитет,

-Не може да се преговара цела година, а да нема резултат. И тогаш алармиравме дека јагнето ќе нема цена. Отидовме коректно со барања да ги покриеме загубите, а не да печалиме. Ни ветија ќе се разгледаат, но се оглушија. Се уште работиме со загуби. Производната цена на јагнето што ја пресмета Факултетот за земјоделски науки и храна беше 174 денари за килограм жива мера, но се откупуваше за 120 – 130 денари. И со плус обезбедените 400 денари субвенција не се достигнува производната цена. Значи, се уште сме во загуба, нагласи Јанков.

Тој тврди и дека некои сточари се уште ги немаат земено субвенциите за млекото од 2017 година. Според него, некои членови на здружението добивале закани од Министерството за земјоделство.

„Нека престанат да вртат телефони вработени во Министерството и да ги заплашуваат земјоделците. Наредниот пат ќе излеземе со имиња на тие што се јавуваат, да знаат дека не им се плашиме“, потенцира Јанков.

На протестот денеска, според него, учествуваат и членови на Регионалното здружение на лозари од Кавадарци, на Здруженито на овоштари од Ресен, оризари од Чешиново – Облешево, тутунари од Прилеп, сточари од Тетово и Гостивар, како и други индивидуални земјоделци.

Вчера, пак, министерот за земјоделство Трајан Димковски, препозна политички запршка кај протестот. Според него, нема причини земјоделците да излезат на протест, но, сепак, смета дека тоа е нивно право. 

„Цело време заедно со нив ги планиравме интервентните мерки и секогаш беа информирани кога точно може да ја очекуваат исплатата“, нагласи Димковски, обвинувајќи ја опозициската ВМРО-ДПМНЕ дека стои зад протестот.


Можеби ќе ве интересира

МВР со детали за експлозијата - еве што се случило

МВР со детали за експлозијата - еве што се случило

ДРАМАТИЧНО НА КЛИНИКА: Тројца од повредените во експлозијата се борат за живот

ДРАМАТИЧНО НА КЛИНИКА: Тројца од повредените во експлозијата се борат за живот

Заев: Бомбата на Милошоски е неовластено сниман разговор, покажува колку е важен Законот за ЈО

Заев: Бомбата на Милошоски е неовластено сниман разговор, покажува колку е важен Законот за ЈО

Османи: Како ќе почне кампањата - ќе ни ја одреди судбината за ЕУ

Османи: Како ќе почне кампањата - ќе ни ја одреди судбината за ЕУ

Трите дечиња што загинаа во експлозијата имале осум, девет и 11 години

Трите дечиња што загинаа во експлозијата имале осум, девет и 11 години

ГОЛЕМА ТРАГЕДИЈА ВО РОМАНОВЦЕ - три деца загинаа од експлозија на плинска боца

ГОЛЕМА ТРАГЕДИЈА ВО РОМАНОВЦЕ - три деца загинаа од експлозија на плинска боца

ШТО ИМА ВО БОМБАТА НА МИЛОШОСКИ - тврди дека Заев договарал одлуки со Врховен суд

ШТО ИМА ВО БОМБАТА НА МИЛОШОСКИ - тврди дека Заев договарал одлуки со Врховен суд

ЧЕТВОРИЦА СКОПЈАНИ ПРЕТЕПАЛЕ ЧУВАР - се изнервирале оти ги пријавил

ЧЕТВОРИЦА СКОПЈАНИ ПРЕТЕПАЛЕ ЧУВАР - се изнервирале оти ги пријавил

ЌЕ ЈА ПУКА ОД ПАРТИЈА - Милошоски најавува голема бомба за Заев

ЌЕ ЈА ПУКА ОД ПАРТИЈА - Милошоски најавува голема бомба за Заев