Добри вести од Алкалоид: Дивиденда од 324 денари по акција, 19 отсто повисока од минатата
Објавено во: Економија 06 Март, 2020
Добри вести од една од најуспешните македонски компании. Алкалоид АД соопшти дека ќе исплатува дивиденда за акциите во компанијата за 2019 година во бруто износ од 360 денари или 324 денари нето, по акција. Сумата е за дури 19 отсто повисока од дивидендата која Алкалоид ја исплати за 2018 година.
Компанијата ја извести денеска Македонска берза дека Управниот одбор на друштвото вчера ја донело одлуката за дивидендата. Таа треба да се усвои на седницата на годишното Собрание на акционери кое ќе се одржи на 6 април.
Инаку според предлогот, последен датум на тргување со право на дивиденда е 21 април 2020 година, а датум на стекнување право на дивиденда за 2019 година е 23 април 2020.
Дивидендата ќе биде исплатена во готово на трансакциски сметки на акционерите.
Компанијата одлучи да ја зголеми дивидендата за годината во која продолжи со одличните финансиски резултати, успешниот раст и на домашниот и на странските пaзари.
Инаку, лани Алкалоид подели дивиденда за 2018 година во од 320 денари по акција во бруто износ, односно 272 денари нето или за 19 отсто помалку од дивидендата што ќе се исплати за 2019 година.
А.Т.
Можеби ќе ве интересира
„ЌЕ ГЛЕДАМЕ СЕКОЈ ДЕН КАКО ПРОПАЃА ПО ЕДНА БАНКА“:Милијардер има застрашувачки предвидувања за светската економија
РАСТ НА ТУРИСТИТЕ ВО КИНА - се повеќе се бараат услугите за изнајмување автомобили
KOJA E MИНИМАЛНАТА ПЛАТА ЗА КОЈА БИ РАБОТЕЛЕ: Што кога на интервју за работа ќе ви го постават ова прашање?
ПОРАДИ ЕНОРМНА ПОБАРУВАЧКА ОД РУРАЛНО ВО БИЗНИС СЕЛО - растечката индустрија на перики поттикна промени во источна Кина
ТОП 5: Продадоа најмногу струја во Македонија, двајца трговци се новоетаблирани од Албанија
КЕЛНЕРИ ВО ХРВАТСКА: Реална ли е платата од 2.000 евра?
НЕВРАБОТЕНОСТ ВО ЕУ: Koи земји се со најниска стапка?
РАСТАТ ЦЕНИТЕ И ВО УГОСТИТЕЛСТВОТО - најмногу поскапеле ноќевањата, но и храната во рестораните
