До скоро Македонците се задолжувале, сега заштедувале
Објавено во: Финансии 27 Мај, 2018
Македонските домаќинства лани статистички имале на располагање 6,600 евра за цела година, а потрошиле 5,851 евра. Им останале вкупно 742 евра. Ова го покажува публикацијата на Државниот завод за статистика за потрошувачката на домаќинства во минатата година, според која ако до пред некоја година семејствата беа во недостаток од пари, сега статистички дури им останале.
Податоците покажуваат дека од вкупните просечни 405,487 денари колку што пресметала статистиката дека во просек располагале домаќинствата, 255.762 денари биле од редовен работен однос, а останатите од пензии, од странство, од земјоделство, од позајмици.
Граѓаните трошеле најмногу на храна, 136.118 денари годишно во просек за четиричлено домаќинство. Потоа за комунали, здравство, облека. Статистички дури им останале и 13.732 денари за штедење.
Анализата на податоците покажува дека од основните намирници за живот, во однос на претходните години се зголемиле набавените количини леб и чоколада, а паднала таа на месо, млеко. Граѓаните штеделе и на овошје и зеленчук.
Така ако едно четиричлено домаќинство во 2016 година потрошио 264,6 килограми леб, лани изело за 7,5 килограми повеќе или вкупно 272,2 килограми. Ласни изеле 26,3 килограми чоколади и кекс, а претходната година за 5 килограми помалкиу или вкупно 21,8 килкограми. Граѓаните испиле и за 7 литрипомалку млеко или вкупно 125,6 литри за разлика од претходнатагодина кога испиле 132,8 литри.
Статистиката покажува дека паѓаат и количините на овошје и зеленчук кои домаќинствата лани ги набавиле. Така лани изеле 103,1 килограм компир или за 6,7 килограми помалку од претходната година. За 7 килограми помалку пиперки или 65,4 килограми наспроти 72,2 килограми во 2016 година. Паѓала и количината на овошје, па така македонските семејства лани излеле за 9 килограми помалку јаболка и за 8 килограми помалку тропско овошје.
Податоците покажуваат дека штеделе и на месо, па лани изеле за 5 килограми помалку свинско месо, или вкупно 22,1 килограм лани, за разлика од 2016 година кога набавиле вкупно 27 килограми.
Можеби ќе ве интересира
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
