Промени во Ракометна федерација: Познати директори влегуваат во Управен одбор
Објавено во: Економија 05 Март, 2020
Директорот на Триглав осигурување Ѓорѓе Војновиќ и директорот на Халк банка Билал Суџубаши се назначени за нови членови на Управен одбор на Ракометната федерација на Македонија.
Освен овие две одлуки со мнозинство гласови на Управниот Одбор на Ракометната Федерација донесени се и други. За директор на машки и женски ракометни репрепрезнтации при РФМ е избран Левче Китевски, а Гино Стрезовски на функцијата Стручен советник на селекторот во женски репрезентации. Димитар Митревски стапува на функцијата координатор на машки ракометни репрезентации.
Донесените Одлуки ќе бидат верификувани на следниот управен одбор, соопштуваат од РФМ.