Димитров од Шпанија со најава за ратификација побавна од очекувањата
Објавено во: Македонија 20 Февруари, 2020 06:49
Министерот за надворешни работи Никола Димитров при вчерашната посета на Шпанија најави ратификација на пристапниот протокол за членство на Македонија во НАТО побавна од очекувањата на јавноста. Според информациите кои ги сподели шефот на македонската дипломатија, тоа ќе се случи дури на крајот на март.
„МНР Гонзалес на првиот ден како министер го доставила пристапниот протокол за членството на Северна Македонија во НАТО до шпанската влада. Утре протоколот е пред Комитетот за надворешни работи, а идната недела ќе биде на пленарна седница. Потоа постапката ќе продолжи во Сенатот. Се очекува дека ратификацијата ќе се заврши најдоцна до крајот на март“, објави Димитров на Фејсбук.
Во Мадрид тој имаше средба со министерката за надворешни работи на Шпанија, Аранча Гонзалес, и со претседателката на Долниот дом на Парламентот, Маричел Батет. Гонзалес наедно посочила дека Шпанија ја поддржува одлуката за отворање на пристапните преговори за членство на Македонија во ЕУ.
Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
