20 Мај, 2024
0.0255

ДЕНАРОТ ГО „ПРЕТРКА“ ЕВРОТО, ИСТОРИСКИ МИГ ЗА ГРАЃАНСКИТЕ ЗАШТЕДИ - колку пари чуваат македонските граѓани во банка

Објавено во: Финансии 22 Април, 2024

Добивај вести на Viber

Сите апели и совети, сите мерки на градење на доверба, но и сите стимулации изразени во поглед на повисока каматна стапка, изгледа дека конечно вродија плод, па денарите кои македонските граѓани ги чуваат во домашните банки, успеаја да ја надминат странската валута, или генереално еврата.

Најновите податоци за штедните влогови на нашето граѓанство кои во петокот ги објави Народна банка на Македонија, говорат дека домаќинствата конечно, можеби и за прв пат во историјата на земјава, во домашните банки повеќе чуваат денари отколку евра. Па, иако станува збор за мала и можеби незначителна разлика, факт е дека заштедите во денари сега се на поголем износ од оној што го чуваат домашните банки во странска валута.

Или, изразено низ бројки, на крајот на март годинава, за кога е последниот податок на централната банка, домаќинствата во домашните банки во денари чувале 2,888 милијарди евра, наспроти 2,879 милијарди евра колку што изнесувале депозитите во странска валута. Односно, разликата е скромни 8,5 милиони евра на страната на денарите, што е иако мала сума, но сепак можеби говори за еден позитивен тренд за штедење во домашната валута.

А, денарите и повеќе пораснале во март во однос на февруари годинава, наспроти штедењето во странска валута, каде што е регистриран пад.

Или, според бројките на НБМ, заштедите на домаќинствата во денари се зголемени за 17,6 милиони евра во текот на март, додека, пак, кај странската валута има намалување за 9,8 милиони евра.

Или, сума сумарум вкупните депозити на домаќинствата во март имаат зголемување за 7,9 милиони евра во однос на февруари.

А, штедењето во денари е многу поисплатливо од она во евра.

Причина за тоа се повисоките каматни стапки на денарското штедење, кои со неколку мерки на НБМ беа дополнително стимулирани.

Па така, за орочени денарски депозити на три години нашите банки сега нудат камати отприлика околу 2,3 проценти, додека за штедење во евра истата таа камата за орочен влог е 1,3 проценти.

Домаќинствата во март во домашните банки вкупно имале сума од 5,768 милијарди евра.

„Во март, вкупните депозити на домаќинствата се повисоки  за 0,1 отсто и 8,7 отсто на месечна и на годишна основа, соодветно. Растот кај двете основи се должи на повисоките долгорочни депозити и депозитните пари, во услови на забележан пад на краткорочните депозити“, се вели во соопштението од централната банка.

Н.Н.Ф.   

Можеби ќе ве интересира

КОЛКАВИ СЕ ПЛАТИТЕ НА РЕГУЛАТОРИТЕ ЗА СТРУЈА И ВОДА: годишниот извештај открива колку се троши на плати и надоместоци за вработените

КОЛКАВИ СЕ ПЛАТИТЕ НА РЕГУЛАТОРИТЕ ЗА СТРУЈА И ВОДА: годишниот извештај открива колку се троши на плати и надоместоци за вработените

„ФОРБС“ ОТКРИ ПОВЕЌЕ ОД 20 МИЛИЈАРДЕРИ СО БРОЕН ИМОТ ВО ДУБАИ: Рајот за богаташите е тука

„ФОРБС“ ОТКРИ ПОВЕЌЕ ОД 20 МИЛИЈАРДЕРИ СО БРОЕН ИМОТ ВО ДУБАИ: Рајот за богаташите е тука

ПОКРЕНА БИЗНИС СО КРЕВЕТИ, БЕЗ НИЕДЕН КРЕВЕТ: Запознајте го Брајан Чески, креаторот на платформата Airbnb

ПОКРЕНА БИЗНИС СО КРЕВЕТИ, БЕЗ НИЕДЕН КРЕВЕТ: Запознајте го Брајан Чески, креаторот на платформата Airbnb

Оваа работа може да ви донесе и до 15 000 евра по сезона: Си работите 10 минути покрај море, а покрај тоа капнува и бакшиш!

Оваа работа може да ви донесе и до 15 000 евра по сезона: Си работите 10 минути покрај море, а покрај тоа капнува и бакшиш!

Оние жолти мали центи кои ви се моткаат низ паричник можеби вредат многу повеќе: На една вредноста и е 2500 евра-еве ја листата

Оние жолти мали центи кои ви се моткаат низ паричник можеби вредат многу повеќе: На една вредноста и е 2500 евра-еве ја листата

БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците

БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците

„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена

„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена

ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони

ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони

НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома

НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома