Демири: Јас пријавив во Обвинителство за непријатната миризба во хируршките сали
Објавено во: Македонија 27 Мај, 2024
Министерот за здравство Илир Демири на денешната прес-конференција рече дека самиот го повикал Обвинителството да ја следи ситуацијата со затворените хируршки сали во Клиничкиот центар „Мајка Тереза“.
Тој вели дека во моментов се чекаат анализи од Германија да покажат дали централните компресорски станици може да бидат вклучени и да работат, и покрај лошата миризба. Интересно е тоа што тој откри дека компресорската станица е во сопственост на Службата за општи и заеднички работи на Владата.
- Некаде од пред 30 години е инсталацијата и тогаш е поставена компресорската станица. Пред еден месец имаше хаварија и се расипа еден од компресорите и доведе до влегување на улје во цевките. Со два компресори ги издувавме комплетно цевките, помина техничкиот преглед од две независни институции. Побарав итно барање од менаџерите да се сервисираат истите компресори.
Во последните осум-девет дена без да има никаква хаварија, едноставно се појавува некоја лоша миризба во дистрибутивната мрежа на кислород и компримиран воздух,поради што веднаш ги повикавме независните фирми. Бидејќи во Македонија нема лабораторија која што ќе може да даде потврда за квалитетот на испорачаните гасови, побаравме странска компанија и денеска се испратени мостри во Германија да се испитаат. Од двете компании кои имаат лаборатории за свои потреби не е увиден никаков недостаток за квалитетот на гасови, освен што има зголемена влага и во два наврати препорачаа да се менуваат филтрите од компресорските станици
Демири рече дека во моментов се користат шест надворешни компресори но само за итни и неодложни интервенции, пред се за случаите на КАРИЛ.
- Ако се приклучат на надворешните компресори - нема миризба, ако се приклучат на централното - миризбата е присутна и необјаснива.Затоа го повикав и Обвинителството, да биде во тек со ситуацијата, кажа министерот.
Јавен обвинител ќе ја испитува ситуацијата на Клиничкиот центар „Мајка Тереза“ која настана со затворањето на хируршките сали, кои повеќе од една недела не работат.
Можеби ќе ве интересира
ТРОЈЦА СЕ ВО БЕГСТВО, ШТЕКЛИ Е ВО ПРИТВОР, А ТОА СЕ БАРА ЗА УШТЕ ДЕВЕТМИНА - ова ги чека членовите на бандата кои продаваа дрога по нашите улици
„СО УСТАВОТ ДО КАДЕ СТЕ, АЛБАНИЈА ВЕЌЕ ОРГАНИЗИРА СВЕТСКИ НАСТАНИ“ - Златко Ориѓански со суптилна порака
ДОБРО ВИДЕТЕ КОЈ Е, ПРЕД НЕКОМУ ДА ОТВОРИТЕ ВРАТА - еве како напаѓал и крадел 26-годишен скопјанец
МНОГУ ТАЖНА ВЕСТ: Почина 17 годишното дете кое настрада од струен удар додека се снимало на вагон од цистерна
МВР ЗАСЕГА СО ДОЗИРАНИ ИНФОРМАЦИИ ЗА КРИМИНАЛНАТА ГРУПА ШТО ПРОДАВАЛА ДРОГА - ќе се поднесе кривична пријава против 14 лица
„ОВОЈ ПРАЗНИК ПОЧНА ДА СЕ СЛАВИ КАКО ДРЖАВЕН И НЕРАБОТЕН ВО ВРЕМЕ НА ВЛАДАТА КОЈА ЈА ПРЕДВОДЕВ“ - се огласи Никола Груевски
„НЕ КОНЗУМИРАЈТЕ АЛКОХОЛ, ПРВО МАЛКУ РАЗГОЛЕТЕ ГО ТЕЛОТО“ - неколку совети за оние што ќе скокаат по крстот
СОПСТВЕНИЧКА НА ПОЗНАТ БУТИК ЗА МОДА ОБЈАВИ ФОТОГРАФИИ - „За инает ми го изгореа дуќанот и два стана“
ВАКА ИЗГЛЕДА НОЌНОТО СКИЈАЊЕ ВО СКИ-ЦЕНТАРОТ МИХАЈЛОВО - градоначалникот Јанчев со покана до туристите
