„
„ДАЛИ МУЦУНСКИ, ТОШКОВСКИ И МИСАЈЛОВСКИ ИСТО ТАКА ИМААТ ПРОБЛЕМИ СО КОЛЕНАТА“ - СДСМ прашува и дали премиерот Мицкоски го нема тој проблем кога се качува на Водно
Објавено во: Македонија 23 Јули, 2024 11:00
Опозициската партија СДСМ реагира на вчерашната изјава на премиерот Христијан Мицкоски кој изјави дека во Вашингтон патувал со бизнис-класа поради проблеми со колената. Од партијата прашуваат дали и министрите кои го придружуваа Мицкоски имаат проблем со колената, па мораат да патуваат со бизнис-класа?
– А кога се сликаше на Водно како се качува Мицкоски, имаше ли проблем со колениците? Мицкоски лаже и си игра мајтап со тие што го плаќаат, граѓаните. Скапи авионски летови и бизнис-класи од 20.000 евра, часовници од 60.000 евра, имоти на поклон од 300.000 евра додека вели дека нема пари за поголеми плати за работниците. Ова ја покажува ароганцијата и потценувањето на граѓаните но и начинот на којшто ВМРО-ДПМНЕ и Мицкоски ќе се однесуваат, душмански со парите на граѓаните, за сопствени луксузирања – реагираат од партијата.
Мицкоски синоќа во гостување на „Топ Тема“ на телевизијата Телма на прашањето зошто летал со бизнис-класа до Вашингтон, имајќи предвид дека своевремено директорот на Агенцијата за туризам морал да поднесе оставка затоа што летал со бизнис-класа, Мицкоски вели дека повеќе би сакал Македонија да има пристојно летало, за воопшто да не мора да ги користат тие услуги.
– Ако како држава сега имавме пристојно летало, како што беше случај сега на Самитот на Европската политичка заедница, како што дојдоа сите… Толку многу е крадено од оваа држава што една цела флота е однесена. Во Вашингтон бев три дена на пат, и постоеше можност да не се вратам поради Интернет-проблемот којшто откажа над 1000 летови во Европа – кажа Мицкоски, појаснувајќи дека од Виена до Вашингтон и од Њујорк до Виена, летал со бизнис-класа поради здравствен проблеми со колената, додека од Скопје до Виена и обратно летал со економска класа.
Можеби ќе ве интересира
СПАСОВСКИ: Македонија не смее да стане земја што ќе спроведува азилски постапки за други држави, а притоа да ѝ остануваат мигранти што нема каде да ги врати
„ДЕЛОВНА ТАЈНА Е ДЕКА НЕ' ТРУЈАТ“: Арсовска тврди дека загадувачите добиле право да ги кријат доказите под мотото „деловна тајна“
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
