Дали кризата со Фолксваген има влијание на македонскиот автомобилски пазар?

Добивај вести на Viber

По откривањето на светскиот скандал во кој беше откриено дека Фолксваген инсталирал софвтери за манипулација во тестирањата на издувни гасови во 11 милиони автомобили, во Германија летаат оставки. Засега докажано е дека овие автомовили биле пласирани во САД но вчера Би-би-си јави дека такви автомобили кои произведуваат повеќе штетна емисија имало и во Европа. „Бевме информирани дека и кај дизел-моторите (на Фолксваген) во Европа, од 1,6 и 2,0 литри, исто така имало манипулации“, изјави германскиот министер за транспорт Александар Добринт. И додека светот и Фолксваген ги бројат последиците од мега-скандалот,  во Македонија смируваат. Од Од „Порше Македонија“ кои се генерален увозник на „Фолксваген“ велат дека се запазени сите стандарди „Ве информираме дека Фолксваген Групацијата во Македонија увезува возила со норматив ЕУ6 кои не се афектирани од мерката која е предмет на интерес во светските медиуми. Важечкиот стандард за увоз на нови возила во Република Македонија никогаш не бил повисок од ЕУ4, така што во континуитет се запазени сите важечки стандарди“, изјавија од таму за Фактор, прашани дали и во Македонија е можно да има од овие возила. Инаку, во Македонија нема техничка можност да провери дали во земјава се увезуваат автомобили кои не ги исполнуваат стандардите, нема таква лабораторија. - Сите современи возила содржат софтвер за системот за напојување и за контрола на издувната емисија. Процедурата за контрола на таа емисија се спроведува во сложени лаборатории, а таква во Македонија нема. Во тие лаборатории се проверува дали е исполнето барањето на техничките прописи на пробното возило изјави за Телма професорот Милан Ќосевски, кој е раководителот на Институтот за моторни возила на Машинскиот факултет во Скопје.