ДАЛИ Е РЕШЕНИЕ КОНТРОВЕРЗНИОТ ВЕШТАЧИ ДОЖД - против суши, пожари и загадување

Добивај вести на Viber

Додека целиот свет се обидува да смисли стратегија за борба против климатските промени, околу 50 земји ширум светот со години се справуваат со сушите и нивните последици со контроверзниот геоинженерски метод - вештачки дожд. Во Емиратите отидоа најдалеку во сеење облаци, а некои се обидуваат и со тоа да го решат проблемот со загадувањето на воздухот. И додека овие „хемиски траги“ не ги возбудуваат премногу стандардните поборници на теориите на заговор, тие се цел на критики во научните кругови.

Поради зголемените временски екстреми, некои земји во светот во последниве години сè почесто ги користат временските манипулации како алатка во борбата против несаканите временски услови. Сепак, сеење облаци, односно создавање вештачки дожд како потенцијално решение за суши и големи пожари, почна да се користи во 40-тите години на минатиот век во САД. Оттогаш, се користи во околу 50 земји, вклучувајќи ги Кина, Русија, Тајланд и Австралија.

Обединетите Арапски Емирати (ОАЕ) отидоа најдалеку во стратешката употреба на овој метод. Уште во 90-тите започнаа програма за сеење облаци, а денес на годишно ниво создаваат вештачки дожд околу 300 пати годишно за да ја спасат земјата од суша, пожари, а со тоа и нивните земјоделски средства.

Во февруари, поради екстремно сувата зима, за само пет дена ширум ОАЕ вештачки „посеа“ дожд дури 27 пати, при што земјата користеше специјална опрема, вклучувајќи беспилотни летала и шест помали авиони.

Тпорта