ЦУК: Пронајдена е повредената девојка која паднала во дол во близина на Струмица
Објавено во: Македонија 24 Јуни, 2024
Центарот за управување со кризи(ЦУК) извести дека вечерва е пронајдена девојката која паднала во дол кај манастирот Свети Илија над Струмица. Таа има повреди на главата и е однесена во струмичката болница.
ЦУК информира дека повикот за спасување е добиен вечерва околу 20.30 часот на единствениот број 112 од мајката која јавила дека нејзината ќерка е падната во дол во близина на манастирот Свети Илија над Струмица, дека има повреди на главата, но дека не ја знае точната локација.
Операторите ја смириле вознемирената мајка и ја советувале да ѝ јави на ќерката да се јави на бројот 112 со цел од ЦУК да се утврди нејзината точна локација. Ќерката се јавила на 112, но иако самата не ја знаела локацијата, преку системот на 112 била лоцирана каде се наоѓа.