ЦРН КРУГ ЛЕБДИ НАД МОСКВА: Граѓаните споделуваат видео, но не знаат што е тоа

Добивај вести на Viber

Видеото од црн прстен од чад над руската престолнина стана вирално на социјалните мрежи, а многу корисници на Твитер шпекулираат како е создаден кругот.

Антон Герашченко, советник на министерот за внатрешни работи на Украина, го сподели видеото на својот Твитер профил и досега го погледнале повеќе од два милиони луѓе.

„Жителите на Москва споделуваат видео од црн круг на небото. Што мислите што е ова?“, праша Герашченко на Твитер.

Residents of Moscow publish videos of a black circle in the city's sky.

What do you think happened there? pic.twitter.com/Ne9CIEDUhI

— Anton Gerashchenko (@Gerashchenko_en) March 27, 2023

И не е единствениот кој сподели видео од оваа необична сцена.

Многумина на социјалните мрежи шпекулираат за што се работи, некои тврдат дека видеото е лажно, други дека ова е доказ дека постојат вонземјани, но факт е дека оваа појава е снимена и претходно на бројни локации низ светот.

Слична сцена била забележана во близина на замокот Ворвик во Англија во 2014 година, јавува Би-Би-Си. Црниот прстен наводно лебдел на небото околу три минути и бил снимен од 16-годишна девојка на нејзиниот телефон.

Овој инцидент повторно предизвика шпекулации и загриженост кај поединци кои ја виделе сликата. Некои сугерираат дека тоа би можело да биде рој од инсекти или птици.

Други пишуваа дека се работи за природен временски феномен, теорија која ја отфрли Метеоролошката канцеларија.

Според извештаите, сличен инцидент во Пакистан предизвика бурни реакции во 2020 година.

Тенок црн прстен е забележан на небото над Лахоре, Пакистан, што предизвика загриженост на интернет, пишува The Sun.

И покрај загриженоста, извештајот истакна многу веродостојни објаснувања. Индустриски дефект на земјата, како што е експлодираниот електричен трансформатор, може да го создаде овој ефект. Во извештајот се наведува и дека црниот прстен може да биде предизвикан и од употреба на огномет и се наведува дека вителот на чад бара експлозија низ кружна структура, како што е фабрички оџак или домашна канта за ѓубре.