ЧОВЕКОТ ШТО ГО ПОСТАВИ АЛБАНСКОТО ЗНАМЕ Е ЛИШЕН ОД СЛОБОДА - тој има 33 години и е од Мала Речица, со него имало уште еден и по него се трага
Објавено во: Македонија 29 Ноември, 2023 09:40
Полициски службеници на СВР Тетово вчеравечер околу 23.30 часот, по преземени оперативни мерки, го идентификувале и го лишиле од слобода 33-годишниот Ј.А. од тетовска Мала Речица, соопшти Министерството за внатрешни работи.
Овој човек се сомничи дека два часа претходно од јарболот на манастирот „Свети Наум Чудотворец“ на Попова Шапка, додека немало никој во верскиот објект, го симнал црковното знаме на МПЦ-Охридска архиепископија и на негово место го поставил знамето на Република Албанија. По документирање на случајот против Ј.А., кој при симнувањето на црковното знаме бил со уште едно лице по кое се трага, ќе следува соодветен поднесок, стои во соопштението.
Претседателот на црковниот одбор го пријавил случајот во СВР Тетово, а настанот беше евидентиран преку камери за видео надзор.
Претседателот на Комисијата за односи со верските заедници и религиозни групи Даријан Сотировски преку социјалните мрежи го осуди, според него, вандалскиот упад во манастирот Св. Наум на Попова Шапка и симнувањето на знамето на МПЦ- Охридска Архиепископија. Тој обвини дека овој чин има за цел предизвикување омраза и раздор и побара сторителите да бидат најстрого санкционирани.
- Вакво поведение е недозволиво и ги подрива сите напори за градење здрави општествени односи во нашето кревко плурално општество, напиша меѓудругото Сотировски.
Можеби ќе ве интересира
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
КАБИНЕТОТ НА ГАШИ ЗА ОДЗЕМАЊЕТО НА ИНУМИТЕТОТ НА ЈАНЧЕВ: Барањето е доставено до Комисијата за деловнички и мандатно-имунитетни прашања
АНГЕЛОВ ЗА ДЕНЕШНИОТ ПРОТЕСТ НА ДУИ: Дали се работи за добро осмислено и подготвено сценарио за напад врз власта?
