ЧЕТИРИ ЗЕМЈОТРЕСИ ГО ПОГОДИЈА БАЛКАНОТ - за помалку од 24 часа, граѓаните вознемирени

Добивај вести на Viber

Во близина на Маркушевац во Загреб утринава се регистрирани два послаби земјотреси. Првиот се случил во 01:55 часот со јачина од 1,9 степени, а вториот три минути подоцна, во 01:58 часот, со јачина од 2,8 степени според Рихтеровата скала.

- Првиот беше со магнитуда 1,9, а вториот 2,8. Ова се два во низата послаби земјотреси што се случија во последните денови. Имавме послаб на 1 март, а еден на 6 март кај Кашина, тие беа послаби од магнитудата од 1,7 - објасни Инес Иванчиќ, директорка на Сеизмолошкиот завод на Хрватска.

- Зборуваме за земјотреси кои се очекуваат во сеизмички поактивниот дел. Вакви земјотреси може да има две до пет години по првиот, но се вознемирувачки за граѓаните. Земјотреси не може да се предвидат, но ова е сеизмички активно подрачје - додаде таа.

Што се однесува до свлечиштето на загрепски Пантовчак, вели дека тоа е проблем на Загреб. 

„Може или не се поврзани со земјотреси, можеби се поврзани со поголеми врнежи. Во случај на земјотрес може да се случи такво нешто, како што се случи во Петриња“, рече таа.

И Босна и Херцеговина утрово ја погоди земјотрес, соопшти Европскиот медитерански сеизмолошки центар.

Земјотресот бил со јачина од 3,1 степени според Рихтеровата скала, и бил во областа околу Мостар.

Снимен е на длабочина од девет километри, а регистриран е околу 7,40 минути.

Засега не се знае дали земјотресот предизвикал материјална штета.

Но тие не се единствените, бидејќи вчеравечер земјотрес е регистриран и во соседна Албанија.

Потресот со јачина од 3,4 степени се случил во 20:59 часот по локално време на oддалеченост од 19 километри од Валона, а на длабочина од 10 километри.