29 Март, 2024
0.0268

ЦЕНИТЕ НА МЛЕКОТО ГИ „ПОБУДАЛЕА“ ГРАЃАНИТЕ, АМА ИНСПЕКТОРИТЕ НЕ НАШЛЕ НЕОПРАВДАНО ЗГОЛЕМУВАЊЕ - директорката на Пазарна инспекција за Фактор

Објавено во: Економија 23 Септември, 2022

Добивај вести на Viber

Цените во маркетите дивеат, а на граѓаните веќе им е страв дури и да отидат во продавница, бидејќи не знаат со какви драматични цени на производите ќе се соочат.

Многу од граѓаните веќе си го поставуваат прашањето дали овие нови секојдневни ценовни шокови се оправдани, односно дали се темелат на реалните набавни и производни цени, или, пак, веќе станува збор за трговско самоволие, односно еден вид на „воено профитерство“, што би значело дека војната во Украина и високиот раст на цените на енергенсите неоправдано се користи како алиби за ненормално зголемување на цените, кое нема врска со реалноста.

Како што е познато, Владата на својата завчерашна седница одлучи да ја продолжи важноста на замрзнати цени на одредена група на производи до крајот на годинава, но не ја прошири листата на производите, со образложение дека пазарот сеуште се анализира.

Фактор ја праша директорката на Државниот пазарен инспекторат Анета Симеска-Димоска дали пазарните инспектори имаат ингеренции да ги контролираат овие евентуални трговски самоволија и злоупотреби со драстичните зголемувања на цените.

Таа во изјава за Фактор вели дека Пазарниот инспекторат може само да контролира дали трговците ги почитуваат владините одлуки, односно дали се дрзнуваат да ги зголемуваат маржите кај оние производи за кои Владата донесе одлука да бидат замрзнати, но пазарните инспектори не можат да „се мешаат“ за другите производи, бидејќи, како што вели, станува збор за слободен пазар, каде што не смее да има ограничувања.

„Нашите инспектори работат во делот на ограничените маржи, и се испитува дали трговците ги почитуваат тие владини одлуки. Но, другите цени се на слободен пазар, што значи дека пазарот, односно понудата и побарувачката одредуваат колку ќе бидат високи цените. Практично, се додека има купувачи, додека има граѓани кои купуваат и по тие цени, трговците ќе ги зголемуваат цените, но мислам дека пазарот на крајот сето тоа ќе го избалансира. Што значи, ние можеме само да провериме дали цената е согласно онаа од добавувачите“, објаснува Симеска-Димоска.

Во моментов, според директорката на Државниот пазарен инспекторат, пазарни инспектори контролираат дали е оправдан растот на цените на млекото, односно дали сегашните енормни цени на млекото кои достигнуваат дури и до 80 денари, е врз основа на реалните трошоици за производство. Практично, биле контролирани сите досегашни зголемувања на цените на млекото.

Она што Пазарниот инспекторат го има како информација, е дека нема неоправдано зголемување на цените на овој производ.

„Ние ги побаравме пресметките на сите трошоци кои ги имале трговците при набавката, но и трошоците што ги имале производителите, и се покажа дека тие трошоци се реални, значи се признаени и не отстапуваат. Факт е дека енергенсите кои се драстично покачени влегуваат во вкупниот трошок и го зголемуваат, односно ја оптоваруваат цената“, објаснува Симеска Димоска за Фактор.

Директорката вели дека во овој период пазарните испектори го контролираат и зголемувањето на цените на лебот, но и за тоа дали се намалува грамажата.

На нашето прашање дали треба другите цени чии маржи не се ограничени да продолжат да дивеат и да се остават нив да ги регулира пазарот, со оглед што станува збор за нефлексибилни производи, односно за такви кои што им се неопходни на граѓаните, директорката на Пазарниот инспекторат вели дека на пазарните инспектори им „се врзани рацете“, односно тие имаат ограничени ингеренции.

„Ние не сме тие што можеме да го ограничиме растот на цените. Ние можеме само да контролираме дали набавните и продажните цени се евидентирани во евиденцијата во трговијата и дали тоа е направено согласно со Правилникот. Право да ги ограничува цените или маржите има само Владата, а ние како Пазарен имнспекторат можеме само да контролираме дали трговците се придржуваат и ги почитуваат тие одлуки“, вели Димоска.  

Инаку, на последната седница Владата не ја прошири листата на производи со замрзнати цени. Портпаролот на Владата Муамет Хоџа објасни дека на проширување на листата се уште се работи.

„Владата не донесе одлука со која се проширува листата на производи на кои им е определена маржата. Економскиот тим е во постојан контакт со сите засегнати страни и во тој контекст како и претходно што најавија ќе има проширена листа на производи по завршување на потребните анализи на пазарот“, рече Хоџа.

На вчерашната седница Владата одлучи да продолжи рокот на траење на мерката за ограничување на маржата за основните прехранбени производи во трговијата и во следните три месеци, односно до 31 декември оваа година.

Како што е познато, Владата во јуни годинава ги ограничи маржите на лебот, шеќерот и сончогледовото масло на 5 отсто, како и на пченицата, макароните, шпагетите, оризот и кравјото млеко на 10 отсто. Поради значителниот скок на цените на сите останати продукти по замрзнување на маржите на основните продукти, министерот Бектеши најави проширување на листатата.

Нина Нинеска-Фиданоска

Можеби ќе ве интересира

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење