БУРА ОД РЕАКЦИИ ЗА ОЛИМПИСКИТЕ МЕДАЛИ: Олимпијци изненадени од квалитетот на медалите од Париз

Добивај вести на Viber

Спортистите го споредија квалитетот на медалите од Олимписките игри во Токио пред три години и во Париз ова лето. Оние од Токио изгледа се многу поквалитетни.

– Медалот изгледа како да бил во војна, напиша на своите социјални мрежи американскиот олимпиец Нија Хјустон.

Хјустон ја освои бронзата во скејтборд на Олимпијадата во Париз, а после тоа на социјалните мрежи објави видео во кое вели дека медалот е во многу лоша состојба. Откако ја поседувал една недела, таа била видно оштетена.

- Олимписките медали изгледаат одлично кога се сосема нови, но откако ги оставив на кожа со малку пот и ги оставив моите пријатели да ги носат во текот на викендот, се покажа дека не беа толку добри како што мислевме, рече тој.

Виктор Акселсен, освојувач на златен олимписки медал во бадминтон, направи слична опсервација. Тој ги спореди златните медали од Токио и Париз, а евидентно е дека првиот, иако сега има три години, е во многу подобра состојба.

Сепак, портпаролот на Игрите во Париз за Time изјави дека сите спортисти чии медали се оштетени ќе добијат замени. Инаку, составот на самите медали се менува помеѓу Олимписките игри, при што златните медали не содржат чисто злато, туку главно висококвалитетно сребро.

Блис.рс.