Бугарија го прифати францускиот предлог, но бара да се подобри, а јазикот останува спорен?

Добивај вести на Viber

Бугарија си го модифицираше, па го прифати францускиот предлог. 

Комисијата за надворешни работи на бугарскиот Парламент вечерва донесе одлука да го прифати предлогот  на политичката партија „Демократска Бугарија“ за уредување на односите со Македонија. Тој всушност е модификација на францускиот предлог за кревање на ветото.

Заклучокот на Комисијата е дека бугарскиот Парламент и наложува на Владата да го одобри предлогот на француското претседателство за укинување на ветото за почеток на преговорите за членство за Македонија со тоа што се бара документот експлицитно да се прецизира и подобри во „одбрана на бугарскиот национален интерес“.

Прво предлогот да се прецизира така што ќе гарантира вметнување на Бугарите во Уставот на Македонија таму, каде што се споменати другите народи и на рамноправна основа со тие народи. Ова според првичните толкувања значи вметнување на Бугарите во делот на Преамбулата на Уставот.

Второ,  да се наведе јасно дека ништо во процесот на пристапување на Македонија во ЕУ не може да се толкува како признавање на Бугарија за постоење на македонски јазик.

Трето, да се дадат гаранции дека добрососедските односи остануваат хоризонатален критериум до крајот на преговорите на Скопје за членство и Европската комисија за цело време го информира Европскиот совет за имплементацијата.

Четврто, периодичниот преглед на исполнувањето на Договорот за добрососедство треба да биде јавно објаавен и во преговарачкиот процес.

Македонската власта го отфрли францускиот предлог. 

foto BGNES