БРОЈОТ НА ЖРТВИ ВО ОПОЖАРЕНИОТ „ТЕАТАР“ СЕ ЗГОЛЕМУВА: Уште вадат изгорени тела од ноќниот клуб во Мурсија

Добивај вести на Viber

Најмалку 13 млади луѓе загинаа во денеска во раните утрински часови во пожар што избувна во познат ноќен клуб во Мурсија, на југоистокот на Шпанија. Оваа бројка не е дефинитивна, предупредуваат службите за итни случаи кои сè уште работат во урнатините.

„Експерти од научната и правосудната полиција беа распоредени во ноќниот клуб Мурсија, каде што се случи пожар во мугрите за да истражат“, објави шпанската национална полиција на Твитер.

Пожарникарите биле известени околу 06:00 часот (0400 GMT) дека избувнал пожар во ноќен клуб лоциран во областа Аталајас во Мурсија.

Службите за итни случаи предупредија дека билансот може да се зголеми.

Властите можеа да влезат во ноќниот клуб неколку часа подоцна „откако пожарот беше изгаснат“, каде што прво открија четири тела, а други беа откриени околу четириесет минути подоцна, наведува Euronews.

Еден час подоцна, градското собрание на Мурсија посочи дека извидничката работа продолжува.

„Приоритет е да се лоцираат телата во локалот“, изјави за АФП портпаролот на националната полиција.

„Истрагата сè уште не е започната бидејќи не се утврдени резултатите“, додаде таа.

Повредени се и четири лица - две жени на 22 и 25 години и двајца мажи на возраст од 41 и 45 години, откако вдишеле чад.

Според фотографиите објавени од службите за итни случаи, ноќниот клуб „Театар“ буквално е проголтан од пожарот.

Фотографиите од местото на настанот покажуваат бројни возила на Итната медицинска помош и противпожарни возила кои продолжуваат да ја прскаат поцрнетата фасада. Од покривот на „Театар“ уште излегува  густ чад.

Според градоначалникот на Мурсија Хозе Балеста, кој прогласи тридневна жалост во спомен на жртвите, противпожарната служба мобилизирала 12 возила за итна помош, 40 пожарникари, како и дваесетина полицајци.