БРАВО ПРЕТСЕДАТЕЛЕ, НОВА ЕРА СО ТРАМП...ВАКА ГЛАСАТ ЧЕСТИТКИТЕ НА ЛИДЕРИТЕ: Му честитаат за победата на изборите

Добивај вести на Viber

Американските граѓани се изјаснија – Доналд Трамп се враќа во Белата куќа како 47. претседател на САД. Од сите страни на светот, светските лидери испраќаат честитки за неговиот камбек, изразувајќи поддршка и очекувања за нови соработки со Вашингтон. Победата на Трамп беше официјално потврдена, а честитките почнаа да пристигнуваат уште од рано утро, веднаш штом стана јасно дека тој обезбеди недостижна предност пред демократската кандидатка, Камала Харис.

На новоизбраниот претседател на САД, Доналд Трамп, му пристигнаа честитки и од водечките европски лидери, кои ја истакнаа важноста на трансатлантската соработка во овој нов период. Претседателката на Европската комисија, Урсула фон дер Лајен, веднаш го поздрави изборот на Трамп, по што следеа и изјавите на германскиот канцелар Олаф Шолц и францускиот претседател Емануел Макрон, како и од италијанската премиерка Џорџа мелони, австрискиот канцелар Карл Неамер, и генералниот секретар на НАТО, Марк Руте. Тие изразија подготвеност за продолжување и продлабочување на односите меѓу Европа и САД, нагласувајќи ја важноста на партнерството во справување со глобалните предизвици.

„Моите најсрдечни честитки до Доналд Џеј Трамп. ЕУ и САД се повеќе од сојузници. Нѐ врзува вистинското партнерство на нашите луѓе, кое обединува 800 милиони граѓани. Затоа, ајде да работиме заедно на силна трансатлантска агенда која продолжува да работи во нивна корист“, наведе Фон дер Лајен на Твитер.

I warmly congratulate Donald J. Trump.

The EU and the US are more than just allies.

We are bound by a true partnership between our people, uniting 800 million citizens.

So let's work together on a strong transatlantic agenda that keeps delivering for them.

— Ursula von der Leyen (@vonderleyen) November 6, 2024

„Честитки до Доналд Трамп за неговиот избор за претседател на САД. Германија и САД веќе долго заедно успешно работaт на промовирање на просперитет и слобода на двете страни на Атлантикот. Ќе продолжиме да го правиме тоа за доброто на нашите граѓани“, напиша Шолц.

Ich gratuliere @realDonaldTrump zur Wahl zum US-Präsidenten. Gemeinsam arbeiten Deutschland und die USA seit langem erfolgreich zusammen, um Wohlstand und Freiheit auf beiden Seiten des Atlantiks zu fördern. Das werden wir zum Wohle unserer Bürgerinnen und Bürger fortsetzen.

— Bundeskanzler Olaf Scholz (@Bundeskanzler) November 6, 2024

„Честитки до претседателот Доналд Трамп. Подготвен сум да соработуваме како што и правевме четири години. Со вашите и моите верувања. Со почит и амбиција. За мир и просперитет“, напиша Макрон.

„Италија и САД се „сестрински“ нации, поврзани со непоколеблив сојуз, заеднички вредности и историско пријателство. Тоа е стратешки однос, кој сигурна сум дека сега уште повеќе ќе го зајакнеме. Браво Претседателе“, напиша Мелони.

„САД се важен стратешки партнер на Австрија. Се радуваме на натамошното проширување и зајакнување на нашите трансатлантски односи со цел успешно да одговориме на глобалните предизвици“, напиша Неамер на социјалната мрежа Твитер.

„Само што му честитав на Доналд Трамп за неговиот избор за претседател на САД. Неговото лидерство уште еднаш ќе биде критично за одржување на нашата алијанса силна. Се радувам дека повторно ќе работам со него за промовирање на мирот преку НАТО“, порача Руте.

„Нова ера“

И турскиот претседател Реџеп Таип Ердоган го поздрави својот „пријател“ Доналд Трамп за победата на претседателските избори во САД, опишувајќи ја како резултат на „голема битка“. Ердоган во својата објава на Твитер истакна дека верува во отворање на нова ера, во која ќе се вложат повеќе напори за поправеден свет. Исто така, тој изрази надеж дека ќе дојде до крај на актуелните регионални конфликти, особено на конфликтот меѓу Израел и Хамас во Газа и војната меѓу Русија и Украина.