БРАНКО ГРЕГАНОВИЌ ПОДНЕСЕ ОСТАВКА ОД ПРЕТСЕДАТЕЛ НА УО НА НЛБ БАНКА - ќе ја врши функцијата до добивањето согласност на Тони Стојановски

Добивај вести на Viber

НЛБ Банка и официјално преку Македонската берза за долгорочни хартии од вредност извести дека досегашниот прв човек на банката, Бранко Грегановиќ, поднел оставка, а како што веќе објавивме, а информираше и банката, на негово место доаѓа Тони Стојановски, долгогодишен директор во Стопанска банка Скопје.

„НЛБ Банка АД Скопје известува дека на ден 07.06.2024 година, Г-дин Бранко Грегановиќ, поднесе оставка од функцијата Претседател на Управниот Одбор на НЛБ Банка АД Скопје.

Воедно, НЛБ Банка АД Скопје известува дека Надзорниот одбор на банката со одлука донесена на 131-вата седница, одржана на 10 Јуни 2024 година, го именуваше г- дин Тони Стојановски за нов Претседател на Управниот одбор на банката, која одлука ќе влезе во сила по добивање на согласност од Гувернерот на Народната Банка на Република Северна Македонија.

До добивање на согласност од Гувернерот на Народната Банка на Република Северна Македонија за именувањето на нов Претседател на Управен одбор на Банката, г-дин Бранко Грегановиќ ќе продолжи да ја извршува својата функција како Претседател на Управен Одбор на НЛБ Банка АД Скопје“, се вели во известувањето од банката до Македонската берза.